新居進度 – Day 4 – Confirm裝修師傅篇

本來諗住約蔡師傅出旺角傾細節，但由於計過我o地又要過新屋拎o野，同埋時間晏，費事左中右咁搭地鐵，所以約o左師傅過黎黃大仙傾，之後先過新屋會合媽媽！

約o左蔡師傅2點，但阿師傅1點9就到o左，睇黎佢都好心急喎！

2點2落到落下荼餐廳會合師傅！

跟住開始傾喇！

我o地當然係講價啦，因為我o地o係張報價上面所有o野都要做，所以唔減items喇！

最後埋單比最初平o左成7千，當然，有部份用料係唔同o左啦！

阿蔡師傅好好傾，估話埋o的秘密俾我o地知，哈！

佢話知o的後生供樓會好辛苦，即係好似佢個仔咁，所以佢好明白我o地！

又想用有限價錢，去做到心目中想做o既o野！

所以阿蔡師傅都話盡量幫我o地諗！

蔡師傅真係好好，睇得出佢真係會真心幫我o地去諗o下點樣可以慳到錢！

so far到宜家俾我個感覺係傾得好舒服先，唔似阿昌哥咁生意feel，蔡師傅好似一個長輩咁同你傾，教你o野！

希望最後出黎個裝修係我o地想要o既o野啦！

下個星期一開始開工，聽日蔡師傅就會上去覆尺！

好開心裝修終於都揀定，終於都了o左件最煩o既事喇！