富貴o左？！

我今日先係今個星期正式返工！

因為星期一公眾假期，星期二返o左大陸睇廠，星期三放假收樓，星期四先正式返公司！

返到去成枱都係o野，o的e-mail 成百五個！

見到咁真係有o的暈呀！

好唔容易先處理o左一部份緊要o野！

因為枝哥知我放假去收樓，佢見到我第一句就係話”你睇o下你，成個富貴晒！”

“我呢o的只係住山腳咋，點同你丫！”

我話點都唔夠你高啦，近將軍澳隨道口！

跟住阿Law就話做咩放完假就成個唔同晒呀，去o左做咩黎呀！

我話去收樓囉，佢反應係”你做執達令去收人o地樓呀！”

我話我真係買o左樓，尋日真係去收自己間屋嫁！

佢好surprise，咁當然，佢都會估到我就黎結婚啦，不過我無親口同過佢講嫁！

跟住其他同事都話好耐無見我，而我今日又扎o左頭髮喎，佢o地話我成個感覺唔同o左喎，哈！

其實呢o的，都係因為我戴o左隻戒指o姐！

每次望到隻戒指，個心就會好開心，我仲將o個日影o既咭咭擺o左o係公司枱頭添！

咁就日日都會諗返起當晚，做o野有幾辛苦都會開心返晒，哈！