新居進度 – Day 5 – 師傅覆尺及開工篇

尋日俾o左key師傅，因為師傅話今日上去覆尺！

原來蔡師傅好早就上o左去，佢10點10打俾我，但我o地未訓醒！

我仲諗住上去執埋o的垃圾先添，估唔到個師傅咁早過到去！

之後call返師傅！

師傅話廚房個抽氣扇要買12”，好彩尋日無買o姐，唔係都唔知點算！

跟住話廁所要加個插蘇，咁同師傅傾完可以用風筒，咁就唔加喇，因為加就要拆磚，之後會好核突！

師傅仲話你屋企有好多錢喎，我尋日都唔記得提你係要o既添！

好彩清姨識o姐，唔係我o地真係唔知要灑o的錢落地下！

我o地下晝3點幾上到去，點知原來已經有師傅開緊工！

本來諗住執埋尋日拜四角o既垃圾先交俾師傅開工嫁o麻！

我o地拎o左掃把垃圾鏟同兩張圓椅上去，叫師傅要用就隨便用，因為之後都會唔要，係俾佢o地裝修用o既！

去到師傅已經整鑿開o左地下同牆身要改o個幾個制位，同埋燈糟o既制位，準備拉線！

跟住媽媽又話要改埋間房個燈制位，咁就順便叫埋師傅整喇！

呢個係水電師傅，不過個樣好似蔡師傅，我o地覺得佢o地應該有o的親戚關係！

估唔到佢咁快開工，我仲以為佢聽日先正式開工添！

好彩今日上去睇一睇咋，房個制位要再做出多半寸！

未俾上期就已經開工，呢個師傅真係唔話得lu！

照咁睇佢o地都可以如期交貨俾我入傢俬o既！