十級笑話

每年生日，媽媽都會俾利是我o地！

咁今年都唔例外，媽媽o係豬豬生日前俾o左利是佢！

咁豬豬等過埋生日先拆啦！

今晚拆，點知…………….！

豬豬個樣一開已經好搞笑，我仲以為佢係$500！因為無諗過咁多！

原來……………

係咩都無，封利是係吉o既！

豬豬仲話等佢仲袋o左兩日，原來咩都無o既！

跟住我問媽媽，媽媽仲反問返我”咩無o野呀，我唔知喎！呀，可能我俾錯o左呀！”

哈！呢個回覆仲搞笑，俾錯都得？！

其實一收已經覺得怪，因為封利是個面係寫住媽媽o係學校o既稱呼，但我o地以為佢環保再用咋！

之後媽媽換過封俾豬豬！

豬豬話阿外母學到o野喎，識玩o野搞笑添！

我話跟得你多，點都唔多唔少學到o的o既！哈！

等我笑足成晚，眼淚都流埋！

所以話呢，呢個家隨時都會有歡樂o既！