新居進度 – Day 1 – 師傅度尺篇

11點鐘，約o左第一個裝修師傅上黎度尺報價！

呢個係幫過我兩個同事裝修o既師傅！

呢個師傅用o左我個半鐘時間去講要點整！

跟住送走o左佢，就落樓下食lunch喇！

點知o岩o岩叫o左o野食，個訂傢俬店o既師傅就話到o左！

但我o地係約佢1點半嫁喎，o個時只係1點咋！

我o地好趕咁用半個鐘就食完埋單上樓，等佢黎！

上o左樓過o左唔夠1個字，個傢俬店師傅就到喇！

上黎係要度地台床、書枱同飯廳C字柜！

跟住俾o左$1000訂，約埋星期六上去公司睇佢出o既first round圖！

呢個師傅用o左個幾鐘，搞到差唔多3點！

約o左第二個裝修師傅3點半，呢個師傅好準時o係3點半出現！

呢個係豬豬其中一個兄弟o岩o岩裝修完用o既師傅！

第二個師傅好鬼好傾，用o左成2個鐘先講得晒我o地要點搞！

第一個師傅星期五可以報到價，第二個就聽日報價！

第一個師傅話要用40日裝修，第二個話用最多4個星期，但3個星期已經可以交貨！

我o地諗因為第一個佢宜家有第二個job o係手，所以要用多o的時間，第二個就無job，所以可以快o的起到貨！

咁我o地要o係7月20日前搞掂晒裝修，先夠時間入傢俬，當然第二個o既期會好o的啦！

另一樣就係我同豬豬都覺得第二個細心o的，even係度尺佢都好用心去度！仲會即時諗o下o的位可以點搞！

咁當然要睇最終出黎個報價啦！不過都意向用第二個嫁喇，因為呢個阿叔真係會幫你諗可以點慳錢，唔使整咁多個制！

第二個師傅話我之前以為你o地剩係整地台舖磚咋，估唔到我o地咁肯出錢整間屋！

我諗係因為豬豬個fd無咩整o野掛，所以佢覺得佢o的fd都應該唔會整得多啦！

搞到呢個師傅鬼咁開心，因為呢單生意若佢做到有多o的錢賺丫o麻！哈！

5點鐘送走阿師傅，就跟住同豬豬走lu，因為豬豬要返公司呢！

雖然今日放假，但仲忙過返工，因為只係我講晒，豬豬完全無概念要點搞間屋！

豬豬話佢係負責出o左報價講價同睇進度o個part喎！哈！

終於都開o左個頭喇！

今個星期confirm用邊個裝修，咁下個星期一就會開工！

希望趕得切o係7月第3個星期裝修好，第4個星期就開始入傢俬同搬屋，預計一切順利的話，7月26或27號入伙！

豬豬話7月27日係一個特別日子喎，至於係咩，遲o的落實o左先講，哈！

但我話你都要睇埋o個日係咪宜入伙先得嫁！

豬豬話一定宜o既，因為呢日入伙對我意義大o的，我會開心o的喎，哈！