豬豬生日第四擊 – 突然之求婚

今餐飯，豬豬成日都話好急要去toilet！

我唔覺得有問題，因為佢成日都係咁！

食到個甜品仲要話肚痛，要去toilet開大喎！

佢都去o左成5個字！

其間我send sms俾佢，摧佢快o的出黎！

點知，過o左5個字，佢拎住扎花出現！

我即時反應已經水汪汪！

係咁話點解？！點解係咁o既？！

豬豬第一句說話係”雖然係遲o左o的，但終於都黎o左喇！”

跟住豬豬就跪o係度，o係褲袋拎隻戒指出黎，話”請你嫁俾我！”

o個時o的眼淚已經流出黎，係開心到流淚！

真係開心到o的眼淚係咁流出黎！係不自覺咁流！

我真係無諗過會係o係佢生日佢同我求婚！

我一路都以為佢會o係我生日或拍拖紀念日做！

我真係諗都無諗過！

大家一齊出門口，仲要佢袋住隻戒指成日我都唔知！

豬豬話約o左係9點半送黎，但點知個送花阿伯唔識路去Lawry’s！

搞到成10點幾先送到黎！

不過，都有好多人見証住呢一刻！

豬豬話你仲唔應承呀，我幫你戴好唔好？！

我只係識講點解會係咁！最後豬豬都幫我戴o左！

戴完之後，豬豬話"我一生一世都會照顧你！"

臨走時，個waitress 仲恭喜我！

希望無人同返同事講，唔係返到公司就一定唱通街！因為Lawry’s係我公司其下o既一間餐廳！

我真係無諗過o係個咁o既日子之下，豬豬黎求婚！

我話要surprise o姐，但今次真係超級surprise囉！

豬豬送o左二十枝荷蘭瑪利亞粉紅玫瑰花，花語係”此至不渝”！

真係好開心，又surprise，真係諗都無諗過會係咁！

豬豬生日，估唔到有禮物收o個個會係我！

好多謝豬豬俾o左個咁難忘o既求婚俾我！

每年豬豬o既生日，我都會記得今日呢一刻！