求婚有感

心情仲未平伏！

尋晚成3點先訓，因為真係好開心！訓唔著！

記得之前同豬豬講過，求婚我可以唔要求有戒指，但一定要有鮮花！

咁耐以黎，豬豬係送過用真空包裝o既鮮花，花o既擺設俾我！

第一次送花，係o係廣州，我兩年前o既生日，送o左3枝玫瑰花俾我！

今次係第二次收鮮花，好大扎！

我好易滿足，雖然人o地覺得只係二十枝，但o係我心目中，豬豬已經做到我心裡面想佢做o既o野，俾o左個好、好、好難忘o既回憶我！

當佢跪o係地一刻，真係好感動，無諗過佢會當住咁多人面前做！

豬豬尋日仲話，”我係唔會怕醜o既！我要全世界人都知我有幾錫你！”

豬豬話原本想多o的人o個時做，但點知個送花阿伯遲到喎！

豬豬話好驚佢趕唔切，因為呢o的無得take two喎！哈！

o個刻真係好、好、好感動！

其實豬豬尋日都跪o左好耐，我只係識係咁流眼淚，無諗過叫佢起身！

豬豬話好驚我唔收貨喎，仲話你唔係想我跪成晚呀！

豬豬尋晚講過o既每一句，我全部都記得，我以後會係一個幸福小女人！

我真係蠢，豬豬尋晚食飯時，講過兩次話”你滿意o麻？！你開心o麻？！”

仲要收唔到電話o個時好緊張，有一刻收到，佢即刻換過張CSL公司咭！

o個時我仲未為意到佢會有所動作！

另一個無諗過係隻求婚戒指，我講過我唔要求要好大粒，我只係想要個過程多o的！

隻戒指比我想像之中大粒，豬豬仲話呢隻已經係絶版，因為佢已經唔再出！

豬豬話o係佢鑲之前，睇過係真係八心八箭，但話我宜家只係睇到一面，因為要係底面睇o既，一面係八心，一面係八箭！

返到屋企，豬豬俾埋張cert.我睇，豬豬話”我真係識買嫁，我唔係求其買嫁！”

見到張cert.係寫住”Prefect Cut”，好閃，好大，好靚！

原來豬豬o係年頭已經落o左訂去mark呢粒鑽石，買o左好耐！

豬豬話因為我生日太遲，咁就黎又要搬屋，佢驚遲早俾我發現到隻戒指！

原來隻戒指一直都o係我腳底個罐度，豬豬話諗o左好耐擺邊唔俾我發現！

到最後，佢話最危險o既地方，就係最安全o既地方！

估唔到我日日踢住都唔知！仲要係豬豬買o左成4個月我都唔知！

我同豬豬講，我真係一直都唔知，知o既話，我個反應唔會係咁！

睇得出豬豬真係有用心諗過求婚過程！我亦都照單全收！

我諗我真係一世都會記得2008年6月9日，呢個咁特別，咁難忘o既日子！

我唔識形容我宜家心情，我只係知我有個好錫我，好寵我o既老公！