預祝生日

今日o係上海街戰鬥完，約o左我其中一個姐妹，豬豬個好朋友去食飯！

因為豬豬聽日生日，呢個朋友慣o左一定同佢慶祝嫁！

我o地去o左太子金象苑食泰國buffet！

呢度係豬豬揀o既，因為o係飲食男女見到有coupon，而又未食過，價錢都ok！

不過，最後comments係呢間o的料唔新鮮，但o的醬汁整得好好味！

我o地食10點就走lu，之後去o左旺角行街！

我o地o係度搵o的樓上café，for 之後o的兄弟姐妹開會用！

都去o左好多間視察環境，我o地o係其中一幢大廈發現到有一間，個mood同裝修都好正o既café！

今次第一次姐妹團聚會，就決定呢度先啦！

又唔使話坐得耐俾人趕走，so good！

今晚同呢個姐妹傾o左好多o野，最搞笑係豬豬其中一個兄弟o既女朋友，同我呢個姐妹係朋友，係咁問佢你係咪一早知佢兩個結婚嫁喇？！

究意邊個同你講嫁？！

跟住我姐妹話咪Milka同我講嫁囉！

我姐妹話好彩係電話講咋，唔係佢實知我一定好早就知，你知我個樣呃唔到人嫁o麻！哈！

13號就係第一次姐妹團聚會喇，希望佢o地玩得埋啦！