又一笑話

話說o岩o岩個星期二豬豬返大陸見客！

咁豬豬返大陸就會轉大陸電話咭！

有電話係正常，但豬豬一睇個來電，係四姨in China喎！即係四姨都o係大陸？！

無理由四姨知豬豬今日返大陸見客嫁？

豬豬即時心諗，唔係追我追到黎呢度呀，不過都應該係打錯多嫁喇！

點知，豬豬話聽把聲，對方唔係四姨，而係三姨！！

o下，咁搞笑！

以下係佢o地o既對話：

三姨：”喂！”

豬豬：”e………你係咪三姨呀！”

三姨：”你係邊個呀？”

豬豬：”你係咪想搵大表哥呀！”

三姨：” ………你係阿B？！…阿強呀？！

……………………………………

豬豬：”你打錯電話喇！”

跟住唔知佢o地玩o左幾耐，最終都係收o左線！

我問豬豬，咁三姨知唔知你係邊個？！因為由此至終豬豬都無講過佢係邊個！

豬豬話可能知掛！真係俾佢o地兩個吹脹！

今次發生呢個笑話，可能係因為大表哥同豬豬個英文名係一樣！

早前阿四姨已經打黎我屋企搵阿Joe，咁我咪俾豬豬聽囉，點知豬豬一聽就話四姨cut線！

四姨之後講返，話佢知佢自己打錯電話，把聲唔似我個仔把聲，哈！

今次可能阿姨佢o地返大陸想搵大表哥，o係電話度search完以為呢個阿Joe 就係o個個阿Joe啦！

真係無佢o地收！我媽咪呢兩個妹，兩個都癲癲喪喪嫁，不過有佢o地o係度，真係多好多歡樂嫁，哈！