第一次靚靚姐妹團聚會

今日個場唔係太得，之前係諗住book佢2樓o個間，但俾人包o左場，所以改o左去3樓同一間！

隔離枱真係超大聲囉，搞到我o地講o野都好似鬧交咁！

今日講o左每人負責o的咩！

交代o左初步rundown係點，但都仲有好多o野要執！

暫定7月15號每人要交功課，每人諗3個接新娘遊戲，跟住再揀用邊o的！

本來諗住阿妹打記錄嫁，但佢好似唔係好識咁，到最後都係要我自己打返！

之前outstanding o的事項終於都有人認頭，好開心唔使再諗咁多o野，哈！

今日除o左阿芹因為返學無黎，其餘7位都有出席，連Chloe妹上完堂都有黎到！

由8點零傾到11點半，都算叫做ok o既！

起碼各人都知自己做咩崗位先！

由於今次真係無咩時間準備，所以傾時亂o左少少，希望各姐妹唔好介意！

因為我想兄弟做o的要勞力o既o野(例如去拎西餅、拎即日剪片等)，所以o的要design o既o野就俾o左o的姐妹做！

至於伴娘好似唔係好多job要follow，但其實我仲要同佢夾好多o野，因為佢o個日會係我近身妹仔！

由於7月我要搞間屋o的o野，所以下次開會係8月29日！

8月呢次都會只係姐妹，因為要傾接新娘o的o野，唔俾得班兄弟知呢！

期望9月能夠兄弟姐妹黎個first round聚會啦！