新居準備 -- 律師樓篇

今日終於都上o左律師樓簽文件喇！

今日無請假，上星期同o左媽媽講出去一陣，大約個半鐘後返公司！

我10點鐘走，搭船過中環，全部都唔使10分鐘！

之後o係IFC度等埋豬豬，就出發去律師樓喇！

去到10點7個字，比預定時間都係遲o左1個字o姐！

有個應該係見習律師o既物體同我o地解釋分文件內容！

張票我無寫枱頭，因為驚寫錯付祈人o麻，所以等律師樓幫我蓋個佢o地公司名o既印上去張票度！

聽完同俾完錢後，就大筆一揮，咁就完成o左喇！

我仲叫佢等房署簽埋份文件，俾返份copy我留底！

之後再問佢拎埋張受權書for 10號去拎收樓紙！

因為我o個日要返大陸睇廠，驚趕唔切返黎拎，所以拎o左受權書先，等豬豬可以去拎o麻！

落o左律師樓，豬豬就陪我行返去碼頭，我就搭返船過尖沙咀，豬豬就去搭巴士過上環見客lu！

終於都黎到收樓前最後一個階段，真係好心急想快o的去間新屋度睇o下！

豬豬今次功勞係最大o既，由未開始揀樓，到之後o既按揭，再到宜家上律師樓同埋去拎收樓紙，豬豬真係擺o左好多時間同心機落去搵資料同做o野！

所以有豬豬，就一定無甩豬，哈！