新居進度 – Day 18

今日上晝上o左新屋！

上到去無師傅開工，因為要等第二次批燙o既油乾！

只有蔡師傅o係度，因為約o左佢傾少少o野！

去到見到其中一面牆o既大鏡！

嘩，豬豬果然無講錯，真係係兩塊好大型o既鏡！

好正，好靚！

整埋個框真係會仲靚！

跟住到個走廊門！

我又唔覺得好似豬豬所講咁怪怪喎！

可能真係未有傢俬，所以只係大度啡色門o係中間，個感覺唔知點咁！

度門好靚！

連師傅都話我o地有眼光，揀埋咁o既花紋o既玻璃走廊門！

佢仲驚我o地揀埋o的老公款添！哈！

再到個玄關位，境有碎花紋玻璃真係幾靚，幾襯個玄關位！

真係好掂！

而窗台已經整好晒，廁所o既鋁天花就開始整緊！

廁所浴缸已經舖好晒！

本來豬豬揀豆豆磚係舖牆身，點知個師傅舖錯o左！

但錯有錯著，咁樣出黎個效果又出奇地好睇喎！

我今日仲影o左好多相添！

但豬豬話唔俾我post出黎喎，要等整好晒先可以post！

而之前訂o既牆紙大部份已經送o左黎！

係爭廳o既主題牆紙o姐！

因為費事等佢下晝先再送黎，所以叫佢星期一先再送過！

哈！進度真係唔錯！

今日問蔡師傅幾時舖好牆紙同油好油！

佢話下星期尾應該會完工！

咁我就可以叫我強表哥上黎幫我換埋o的clipsal電制喇！

好期待下個星期間屋又會變成點呢！