朋友入伙 (下集)

尋晚豬豬好早就返喇！10點半倒就返到黎lu！

跟住問佢同事間屋點樣，有咩comment！

豬豬話尋晚食飯時，佢班sales coordinator 三個女仔係咁彈間屋！

又話張梳化只係得兩座位，同埋張梳化太軟，唔好坐！

連豬豬comment都係話你一定未坐過咁軟o既梳化！

跟住到o的椅，係pizza椅，即係三角型o個種！

呢種椅睇就好，但坐就真係麻麻喇，會坐得好唔舒服！

豬豬話佢同事間屋好細，得3百幾呎，只係夠兩個人住！

跟住同事仲話無諗過要再搬！

咁我話若有BB咁點呀？！咁咪好迫？！

豬豬話若佢有錢，佢都唔會揀層咁細o既樓喎！

豬豬話佢度無o野值得參考喎，因為佢話間屋o既design同o的傢俬好唔夾！

Design係簡約，但傢俬就玩潮！

總之佢同事間屋俾人彈到一文不值啦！

豬豬仲話佢同事女友之後一定激死喎！

跟住我話咁到我o地時我好驚喎，會唔會又俾你o的同事彈三彈四嫁！

不過我話我預o左一定會有o野彈，爭在係多定少o姐！

但，豬豬話經過我o地兩個精心設計o既，一定係good o既！

所以叫我放心喎！

咁我都信豬豬眼光，經佢揀o既一定係好o野，包括我呢個老婆在內，哈！