新居進度 – Day 5 – 再戰直銷中心篇

今日本來想去旅遊展，但上網睇o的blog友話無咩睇，所以最後決定都係唔去！

去新屋視察過後，就去將軍澳直銷中心喇！

去埋呢間係因為要睇o下o係荃灣分店見到o既呢度有無，若果有o既就o係將軍澳訂，唔使去咁遠！

去到真係4件都有晒呀，咁我o地下個星期就可以去呢度訂喇！

話o左俾媽媽知我o地會o係呢度買：

1.      客廳電視組合柜

2.      房衣柜

3.      L形梳化

4.      酒柜

呢4樣傢俬，好似訂造咁，o的位係fit晒新屋o既尺寸！

以呢個價錢可以搵到fit位o既，真係好抵！

若訂造真係幾甘o下！

不過，都行o左好多傢俬店先搵到呢間直銷中心有我o地想要o既尺寸！

下個星期六或日就會去落單，預計7月20號左右送貨！

宜家只係爭牆紙、廁所地磚同少少牆磚、廚房門未confirm o係邊度買！

我諗下個星期應該可以有埋decision！

而地磚下個星期閒日o既下晝豬豬會自己出旺角訂，咁我就唔使再去睇喇！

下個星期蔡師傅會俾走廊門塊玻璃我o地揀，佢再去訂！

今個星期好充實，日日都好忙，但忙得好鬼開心！