今日confirm o左師傅房門同新屋要油牆o既地方顏色！
房走廊用粉藍色，房門用粉紅色！
我o地併過，o的色都好夾嫁！
今日放工後出o左旺角！
因為豬豬今日下晝出o左旺角睇牆紙！
佢睇中o左一間，所以今晚帶我去睇！
呢度有晒星期六o係官塘睇o既主題牆牆紙、藍天白雲牆紙！
而價錢亦比官塘牆紙倉平！
連o的膠水都平過人嫁！
而我o地亦都係呢度揀到房o既牆紙！
係紫色底o既玫瑰花圖案！
個色好warm！
都襯到個藍天白雲天花！
聽日豬豬下晝就會過去訂喇！
不過，廳天花o既puzzle牆紙，就會去返官塘訂！因為呢間無呢款！
跟住去睇埋門鎖！
我o地要有師傅匙o既鎖，所以選擇不多！
價錢比起無師傅匙貴幾百蚊，不過因為某o的原因，我堅持要呢款！
豬豬話聽日佢自己再出去睇過，睇o下仲有無o的平o的而又有師傅匙o既門鎖！
等聽日豬豬去買埋呢兩樣，就只係爭廚房門同奇勝電制！
廚房門會叫師傅幫我o地訂，因為我o地都無門路！
原來搞一間屋o既裝修真係好多o野嫁，豬豬忙足2個week呢！
不過，都係o個句，出黎個結果值得就咩都抵返晒！
咩叫做 " 師傅匙"?? 係咪即係 master key?? 有咩用架呢??
回覆刪除[版主回覆06/24/2008 13:29:00]即係師傅裝修時用一條(假設係黃色)，裝修完後用另一條(假設係藍色)一插過，咁黃色o個條就永遠都開唔到呢把鎖！只有藍色先可以開到！
聽到你d牆紙好特別喎 ~~~
回覆刪除好想睇到d實物呀 ~~~
[版主回覆06/24/2008 13:31:00]其實唔係好特別嫁咋！普通牆紙店都會有o既主題牆紙同藍天白雲牆紙！
係天花o既puzzle牆紙我之前未見過，只係官塘上樓舖有，個老闆話係新返嫁喎！
可唔可以俾個地址我去睇下呀
回覆刪除[版主回覆06/25/2008 10:24:00]你想知邊間？官塘定旺角o個間？