新居進展 – Day 8

今日終於都訂埋剩返o既地磚同廁所磚！

成屋扣起玄關位，要用大約135塊20”x20”磚！

而廁所企缸同牆身夾埋就用大約90塊！

廁所o的磚，豬豬揀o左紅豆色，用黎襯返其他原本有o既磚！

呢間shop無得碌咭，搞到豬豬要走返去地鐵站㩒機！

豬豬仲影低o左廁所磚o既相俾我先睹為快添！

總算完成晒呢地磚o個part喇！

下個星期尾我應該可以見到舖起個效果喇！

今日豬豬都有上過去新屋！

豬豬報告話條燈糟已經整好o左喇！

豬豬話一入門口就好有氣勢喎！哈！

佢話好得喎！

不過佢話玄關位係整晒四邊，唔係只係整兩邊！

因為我無去睇，所以唔知出黎個效果係點！

但聽日都會打去同師傅傾o下！睇o下若要改仲可唔可以！

進度好好，今個星期六上去就可以睇o下呢個星期o既真實進度喇！

諗起都已經好開心喇！