新居進度 – Day 19

由於尋晚o係姐妹屋企通頂，所以我無過到新屋！

只係豬豬過！

因為今日約o左個門鎖師傅去裝大門鎖！

原來好多人都唔知師傅匙係咩黎！

因為唔換大門，而又裝完唔想換鎖膽，所以就揀呢款！

裝修師傅用完其中一條，用第二條一開，咁師傅o個條就永遠都開唔到呢個鎖嫁喇！

睇說明書係話因為第二條匙改變o左鎖裡面個結構喎！

我都係聽蔡師傅講先知有呢o的鎖，係佢建議我o地買呢款鎖o既！

約o左2點，豬豬就自己起身出門口喇！

而我真係因為好眼訓，所以無起身一齊過去！

點知伴郎同佢女朋友真係上o左新屋喎！

訓醒4點半就打俾豬豬！

豬豬話原來裝個鎖先成3個鐘先可以搞掂嫁！

唔知裝完出黎個效果係點呢？！

好心急想上去睇o下添！

好彩有71假o姐，咁我都係等多2日就可以上去睇o下個靚靚門鎖喇！

我會幫佢影張相嫁喇！

但都係唔可以post住，等多兩個week，舖好晒牆紙，我諗豬豬會俾我post掛！

越黎越近師傅交貨，越黎越緊張添！

但經過尋日蔡師傅傾完，仲要去買門後面o既磁石呢！

尋日蔡師傅仲話廚房門資料好難搵，佢俾o左間shop資料我o地，叫我o地去睇o下！

佢話訂廚房門要10日，所以叫我o地快o的去揀好喎！

呢o的都係等豬豬去搞啦，或者71假同豬豬出去行一轉，睇o下有無o岩心水啦！

我忽發奇想，不如飯廳o既大鏡裝塊窗簾，咁我咪可以唔使用報紙遮住黎打麻雀囉！

不過，睇完個位，又好似無咩位可以o係上面整多個窗簾咁喎！

等我同豬豬商量o下先！哈！