新居進度 – Day 4 – 拜四角篇

同師傅傾完細節，就過新屋會合媽媽！

媽媽叫埋四姨、三姨，而四姨又話埋俾清姨知，清姨又識少少風水，所以三個阿姨都上埋新屋！

就係為o左幫我o地拜四角！

今日媽媽要返工，佢放工後就去買拜四角用品！

由於我o地要去同裝修師傅傾o野，所以叫四姨過去新屋前上黎拎張椅仔同個月餅罐上去新屋拜四角！

我o地同師傅傾完大約3點半，就過去新屋喇，去到大約4點！

個時佢o地已經拜完，係等o的香燒完！

三個阿姨都話呢度好舒服，個景好開揚！

佢o地好替媽媽開心，話你個女買樓，而個女婿又肯同你住！

當然啦，我最錫o個個係媽媽，o係我能力範圍內做到我都會做！

豬豬仲話媽媽o係度晒命喎！

最想晒俾佢睇o既係姨媽，因為佢由細到大都睇唔起我同媽媽，話我老豆早死，無老豆！

所以呢次可以俾媽媽威到俾姨媽睇，我起碼做o左o的o野先！

不過到宜家姨媽都仲未知，我叫媽媽唔好講住，等我o地入晒傢俬先講！

咁豬豬都好開心，咁即係證明佢有能力照顧到我，先可以照顧埋媽媽o麻！

豬豬會係一個好老公，亦都會係一個好女婿！