倒數感想

做完個倒數list，開始感覺到終於都殺到埋身！

好多o野都係7月先可以開始搞得！

而7月又要搬屋，搬屋入伙之後仲要有排執新屋！

而公司月餅又開波，開始勁忙！

呢排已經開始作病喇！

唔知可以撑得幾耐呢！

不過雖然係忙，但只要忙得有價值，就咩都抵返晒！

今個月係超級開心，因為求婚，收樓，裝修都o係呢個月裡面做！

2008年o既上半年對我係一個難忘o既半年！

而我o既夢想亦都會o係2008年裡面一一實現！

宜家出街，會當住人面前叫豬豬做老公！

因為已經開始感受到我將會成為人o地老婆！

我知豬豬呢個月都好辛苦，係辛苦過我好多、好多！

大熱天時周圍走去睇裝修、傢俬，唔係個個都肯去做！

豬豬為呢個家o既付出，只有我知，豬豬知！

好想，好想同豬豬講句：”我愛你”

早兩日我叫豬豬，到結婚o個日咪搞喊我！

我話你o個日都見到我又喊又笑個樣係點嫁喇，唔好搞到我整花個妝送唔到客！

豬豬反應係突o左一突，佢俾我o既反應，令我覺得佢當日一定諗o左o的驚喜俾我！

5個月後o既今日，我同豬豬將會有一個難忘o既一日！