豬豬生日第一擊 -- 睇波

踏入9號12點，我o地就由旺角返到屋企樓下！

o係lift到，我同豬豬講生日快樂！

為o左慶祝豬豬生日，我o地出完旺角返屋企之前，去o左7仔買啤酒！

因為屋企o既紅酒飲晒lu，所以要買啤酒呢！

買啤酒o既目的，除o左賀豬豬生日，咁當然係要睇波啦！

好彩歐國杯開幕戰呢兩日，有兩場係無線直播，豬豬有得睇！

咁我呢個好老婆當然陪佢一齊睇啦！

一路飲啤酒，食花生睇波！

今場奧地利對克羅地亞好鬼緊張，最後o個十幾分鐘真係睇到我叫晒，好彩最後克羅地亞最後都win o左！

不過佢o地下半場同上半場簡直兩隊人咁，下半場豬豬話佢一定收到電話俾人恐嚇，叫佢唔準再入波！

最後十幾分鐘真係有機會俾人入一球平手嫁，好彩都捱到完場無事！

豬豬當然好開心啦，因為我唔係成日陪佢睇波嫁o麻！

有人一齊傾，一齊講，咁睇會開心o的！

呢份當係生日禮物嫁喇！哈！

今晚仲有生日大餐呢，豬豬話好期待喎！