朋友入伙(我的姐妹新屋)

今次同我其中一個姐妹o既新屋！

因為佢o地未開始入去住，其實佢o地整好好耐，但一路都未入晒傢俬！

呢間新屋係for佢o地出年結婚用o既！

上到去，好一間迷人pink lady o既屋！

但真係幾靚！

可能因為少傢俬，同埋o的傢俬比較矮，所以個空間感好大！

佢個單位同我個新屋係一樣，只係爭o左條走廊開中間，我係開側邊！

佢張牆紙，好似我o地揀廳主題牆o既牆紙，唔同係佢揀粉紅撞米，我揀粉藍撞灰！

果然taste 係差唔多喎！哈！

至於間主人房，同我間格一樣，我都係諗住咁擺！

見到佢間房，簡直好似見到自己間房咁！

唯一唔同o既係佢用桃木色，我用橡木色！

佢成間房都係訂造，o的位真係好fit！

而我o地就只係張床訂造，其他衣柜同書枱都係買現成，所以出黎個感覺未必咁統一！

因為訂造o既價錢同買現成o既係相差3倍幾嫁！

咁既然現成有，我同豬豬又覺得個色可以match到，o的空間位又可以用到8成盡，所以就有呢個決定喇！

至於個浴缸，姐妹無拆到，但裝o左個浴屏！

嘩，真係好高呀，第時有BB真係唔係好掂！

咁會好容易跌到，我轉浴缸係正確o既！

姐妹都話好後悔無拆喎！

我諗我o地新屋入晒傢俬後，未必好似佢間屋個空間感咁大！

因為我o地太多雜物，所以好多柜都向高發展，好多都係到頂！

咁無型中就會變得個感覺迫o左！

所以先要整塊大鏡o係度，令個視覺拉闊！

個感覺出黎會無姐妹呢間咁grand，但無法啦，因為佢只係兩個人住，我有三個o麻！

不過，好開心睇到姐妹間新屋，真係好good嫁！

好替佢開心呢！

但姐妹o既意見係，佢驚我入晒傢俬o的味散唔切！

因為佢間房o既訂造柜已經送o左黎兩個星期，但o的味都仲未散晒！

因為要交返間屋出黎，咁都無辨法，唯有諗o的方法去辟味啦！

其實我o地入o左伙，我o地間房都仲要整個柜！

但由於宜家資金有限，所以都係等入o左伙先再買喇！

下個月會再去豬豬其中一個兄弟間新居，因為又係o岩o岩裝修完呢！

同埋會去美女雀友會成員之一o既新居！

呢幾個月真係有好多新居可以參觀呢！

我諗我o地都係最後安排朋友去新居o個對呢，哈！