新居進度 – Day 7 – 訂玄關位地磚

今晚媽媽入o左上水三姨度，因為三姨度裝修完，今晚去賀o下佢！

由於太遠喇，第日又要返工，所以我同豬豬唔入去！

本來諗住今晚去睇埋廁所用o既磚，但因為聽日要考ISO，今晚7點先收工！

o的磚舖都關門啦，所以就無過去睇！

如果唔係落雨，加上又夜收工，都會過新屋度睇o下！

最終都係返o左屋企煮o野食！

不過，今日豬豬都做o左樣o野！

就係買o左玄關位走廊用o既磚喇！星期六送貨！

因為想突出個玄關位，所以我o地揀o左隻比較grand，同埋科幻感重o既磚！

呢隻係意大利磚，見個area唔大先買咋，唔係都唔會用，成百幾蚊塊嫁！

另外，今日豬豬亦都去講o左價！

豬豬行晒成條上海街，都係得兩間店有我o地想要o既地磚！

豬豬好叻呀，每塊講價後，一間平2蚊，但唔送地腳線，另一間平o左4蚊，仲送埋地腳線，個價減後仲平過第一間添！

咁豬豬就話去呢間買埋其他磚喇！

我話信豬豬眼光，所以廁所磚由得佢揀！

聽日佢揀o岩就可以買，唔使等我approve！

聽日就會買埋地磚同廁所磚，又可以煩少樣o野，哈！