驚喜無限一星期

今個星期真係驚喜無限呀！

先有9號o既豬豬生日驚喜，跟住11號o既收樓驚喜，13號o既姐妹團聚會，14號o既裝修、訂造傢俬同埋燈o既確定，15號o既師傅開工！

真係估唔到豬豬同我咁叻，一個星期可以做到咁多o野！

阿奀仲話佢同我好似龜兔賽跑，佢上年12月收o左樓， 3月裝修好，由於佢o地唔急住入住，所以到宜家都仲未入晒所有傢俬！

而我就收樓5日後就開工裝修，7月入伙！

咁我o地趕o麻，無辨法唔快！

若我好似佢o地咁，我都唔急住做添啦！

不過，最緊要係enjoy個過程o姐！

我o地新屋會行平實路綫，因為要用盡每個可以放到o野o既位！

唔可以玩潮，因為要顧及媽媽！

希望宜家咁裝修，同o的傢俬夾，出黎個感覺ok啦！

不過我信豬豬o既眼光，佢話掂就一定掂！

因為佢眼光好，先揀到我呢個老婆呢！哈！

好多謝豬豬俾o左呢個咁驚喜無限o既一星期我！

有好多人話搞結婚同新屋會成日同男友鬧交，甚至搞到鬧分手！

好彩我同豬豬o係呢兩件事上面都無咩鬧交同意見分岐，好快可以做到決定！

每個人都有要求，但大家都退一步，咁樣出黎個效果同成果都會好o的，話唔定仲會有驚喜添！

經過今星期，我o地o既感情進一步提升o左！

同埋，覺得豬豬好叻，識好多人，樣樣o野都能夠搵到幫手o既！

多謝個天俾個咁叻，咁能幹o既老公我！