其實上年開始籌備結婚,已經決定o左去邊度渡蜜月!
因為我同豬豬都唔想去日本,甚至係討厭,所以日本唔諗!
有諗過去韓國,但韓國幾時去都得,去渡蜜月好似唔係好好!
所以都係唔諗東南亞lu!
因為之前去過法國同英國,我同豬豬都好鐘意歐洲o既風景同人情!
跟住就諗邊度可以去耐o的!
一諗就諗到去意大利或瑞士喇!
但,我同豬豬都比較想去意大利多o的!
所以就決定渡蜜月地點 – 意大利!
預計會去14日,因為想去過o既城市都可以留耐o的!
年頭已經開始搵o的資料!
至於本旅遊書,因為通常都係7-9月出新版,所以都係過埋9月先買!
宜家上網睇o下人o地行程點plan,做o下參考!
因為若出年1月去,就差唔多10月要book機票,唔係就book唔到平機票喇!
所以,應該未到wedding我o地就會有初步o既意大利sweet sweet蜜月之旅初稿出黎喇!
要繼續努力,plan一個好sweet o既honeymoon行程呢!
點解你地討厭日本呀?
回覆刪除你地就好啦,去咁多日意大利。
我見到你d 婚妙相,太陽花好大朵,好正,湖都好靚。
[版主回覆06/30/2008 20:24:00]thx你o既讚賞!
唔知呀,因為日本俾我o地o既感覺係得行街同消費高,同埋太潮!
雖然歐洲消費仲高,但我o地鐘意當地o既人同風景,去到你真係好relax嫁,唔似香港咁節奏咁趕!