舊同學

今朝早搭地鐵返工，o係地鐵站月台撞到人喎！

呢個係豬豬中學o既舊同學，我亦都聽過佢個名，但未見過！

仲要係個舊同學叫豬豬，豬豬都望佢唔到！

佢o地o係太子落車，傾o左一陣，我當然無跟住啦，費事阻住佢o地啦！

本來豬豬話想話佢知我o地今年結婚，但因為舊同學趕時間要陪人去覆診，所以未講到就已經講下次見喇！

越黎越覺得豬豬好邪，同佢一齊我o地成日都會撞到人！

記得o個次去曼谷旅行，o係曼谷其中一個商場撞到宜家住o既隔離鄰舍！

但我o地事前係唔知嫁喎，仲要係佢跟團，我o地自遊行，大家當時都好surprise！

估唔到去到咁遠都撞到人！

另一次就係去澳門，居然係官也街撞到豬豬IVE o的同學！

又係事先唔知o既！

仲有一次就係去到南丫島，又撞到同一層樓另外一家三口o既隔離鄰舍！

我o地話呢個世界唔係咁細呀，咁都會撞到？！

有一次去布吉，去時識到一齊出島o既情侶！

之後o個日我o地去mall度行，又撞到佢o地！

點知返到香港，豬豬都o係公司附近撞到呢對情侶！

所以話我同豬豬一出門就會撞到識得o既人！哈！