直銷中心

今日媽媽出完trip返黎lu，又係例排星期一朝早開會！

不過，我o地都有手信，我o地三個姐妹都係一個化妝袋，不過係抽籤決定！

阿Ming抽到個黑色有花紋，師姐就白色加大花，我就黃色加碎花！

哈！估唔到抽到抽到o岩晒每人性格o既顏色！

夜晚6點半就收工lu，因為豬豬話帶我去旺角直銷中心睇傢俬！

事緣係豬豬今日自己過荃灣o個間直銷中心，睇中o左個組合柜，個尺吋係fit晒我o地客廳個闊度，而個款又係我o地要o個隻，豬豬想帶我去旺角睇o下有無o個款喎！

旺角呢間個組合柜就無，但有個衣柜，係豬豬o係荃灣已經睇中o既！

豬豬眼光果然同我差唔多喎！呢個design真係ok嫁！

好o野，我有個5呎3衣柜喇！

而豬豬今日亦都去埋我o地將會去訂造傢俬o既舖頭問details！

今次serve佢係老闆，個報價比起上次去睇平好多嫁！

老闆即係老闆，果然話得事！

我o地會o係佢度訂造個飯廳個C字柜連紅酒柜，房o既地台床同書枱！

Yeah！傢俬已經有著落喇！

宜家係爭師傅咋！

宜家plain o左14號去荃灣傢俬店傾details同買埋去直銷中心買個衣柜同組合柜！

15號就叫傢俬店上黎度尺做床、書枱同廳o既C字柜！

叫豬豬負責間屋，果然無令我失望喎！

嘩！月中開始我將會好忙喇！不過又忙得好鬼死開心喎！哈！