廣州結婚用品團 – Day 1

今日出發喇！

約o左阿奀，阿樂，阿謙同Maggie 9點半o係上水火車站等！

我o地介紹o左佢o地兩pair認識喇！話晒佢o地之後會住同一幢樓，只係唔同層數o姐！

我o地未夠10點就過晒關喇！

首站我o地先去三島食早餐，而豬豬就去買車飛先！

我o地買o左11點直達廣州o既火車！

未夠12點就上到廣州東站喇！

跟住12點半去到廣州賓館！

我o地之前上去4次都安排唔到大床，今次book 3間，佢安排到2間係大床房！

我o地抽籤決定！

我o地好唔好彩，係抽唔到大床房嫁！

佢o地第一次上去就有大床，佢o地就好啦！

跟住settle down 晒o的o野，就去食lunch喇！

我o地今次去o左大同酒家！

今次好好彩，唔使等位有得食！

食飽飽都成3點半，就開始我o地o既結婚用品之行喇！

我o地今日先去萬菱同德寶先，因為要格價o麻！

因為主要係格價，所以今日無買到任何o野！

但阿奀就買o左1盞佢o係深圳見到成百蚊，萬菱只係賣35蚊o既感應漸進燈！

行到6點半，就先返酒店hea一陣！

豬豬點o左阿謙打電話去book位！

阿謙得出黎係一個笑話！

阿謙：我想訂 7點9 六位

接線生：我o地無得訂枱嫁

阿謙：咁係咪即係要黎到先知有無枱呀

接線生：係呀，我o地一向都不設訂枱，不過你宜家黎啦，你黎到可以book位

阿謙：o下，你又話無得訂枱o既

接線生：係無得訂枱嫁，宜家都有人book o左位，你黎到同佢o地一齊book位啦

阿謙：哦，係咪無得訂枱，要黎等位呀

接線生：係呀，咪book位囉

哈，即時O 晒咀！

笑話完畢，今晚去o左荔灣湖公園附近o既唐荔園食，我想去好耐嫁喇，不過豬豬次次都無同我去！

o個度有得坐住艇食飯嫁！

不過我o地6個人，隻艇只係可以坐到4個人，所以我o地都係無緣上去試o下個感覺嫁！

但個環境真係一流，好free，好relax，真係唔錯！

不過，今日豬豬都係黑嫁喇！

搭第一程的士，個的士佬唔識路，累到我o地要行晒成個荔灣湖公園先去到！

而阿謙o個部就無事，一去就去到！

跟住點菜，越著個o靚仔，豬豬叫佢入o左3隻乳鴿先，點知3個字後個經理黎寫菜，先知佢係未落單嫁！

後尾個o靚仔都無再o係我o地面前出現過喇，可能俾個經理掉o左去第二區當值！

O的團友話好彩無坐艇咋，唔係1個鐘都未有得食！哈！

今餐真係幾好味，我o地4位團友都話唔錯！

食完飯就搭的士去花街90飲o野喇！

點知個的士司機車o左我o地去廣州大廈，唔係廣州賓館！

而阿謙佢o地就跟住我o地車，累到佢o地一齊錯o左！

落車當然只係俾15蚊啦，但阿謙佢o地就好無辜咁搭o左成26蚊！

幾經辛苦先去到花街90，由於佢o地個個都唔係好飲得，所以叫係叫o左1打，送2支，即係14支！

飲到1點半，就走喇！阿樂俾阿謙隊，佢走時都已經開始出現醉o既情況！

不過我同豬豬都覺得唔夠，無計啦，佢o地都唔飲得，唔係會再叫多1打嫁！

飲飽食醉之後，就返去訓覺覺豬lu！

聽日9點，正式我o地o既戰鬥之旅！