終於都揀完返黎喇！
哈！你o地估o下個結果係點？！
我先講o下成個過程先啦！
我o地約6點半，不過6點9先去到！
行到去門口，個sales姐姐就打黎喇！
我話我已經o係門口喇，宜家入黎！
其實我都唔知今日個sales姐姐叫咩名，佢就已經叫我坐底開始揀相！
總共影o左150張，佢分開o左3批俾我o地揀！
先揀50張室外，我拎上手睇先，跟住再分成兩批！
我俾多o的o個疊豬豬睇！
個sales姐姐話多o的o個疊係咪要嫁？！我無答到佢！
豬豬都係問同一個問題！我話你睇o下就知嫁喇！
跟住我同豬豬都無講過邊疊要，邊疊唔要！
到揀完室外o個50張，到室內，程序都係以上咁！
跟住個sales好似知我o地點揀相喇，跟住就無再出聲講o野喇！
到最後入選o既係 -- 17張！
無錯，係17張，咁即係話選完第一輪就可以差唔多收工喇！
我o地好快咁再西走2張，o岩o岩好15張！
哈！堅持成功！
其實係因為呢輯真係影得麻麻！
個化妝其實好得，但衰在個攝影師o既角度唔太掂呢！
真係張張都揀唔落手！
呢15張裡面，都係得8張係我同豬豬都認為靚嫁咋！
個sales姐姐見我o地咁樣，加上一開始佢問我影過相未，我話已經影o左幾輯，去晒廣州、珠海、澳門同深圳影添！
咁佢咩都無sale我，就幫我埋單喇！連問我借唔借相辨都唔問添！
哈！呢輯我o地真係一毫子都唔使呢！
8月頭就有相喇！
真係好開心，終於完成婚照最後一個任務喇！
任務 -- 完成！
真係好，可以慳返d錢做其他野~
回覆刪除[版主回覆05/13/2008 20:06:00]係呀，不過其實一開始都諗住唔加任何錢嫁喇！
真係好叻女,不用加錢就選擇了15張相
回覆刪除[版主回覆05/13/2008 20:06:00]叻咩丫，係影得唔係咁靚咋，唔係都會大出血呀！
唔使加$, 真係好呀~
回覆刪除[版主回覆05/13/2008 20:07:00]真係抵晒！哈！
忍到手呀~~~~~超叻&超勁
回覆刪除[版主回覆05/13/2008 20:08:00]因為輯相影到我男友好唔得呀，我就影得幾靚！
所以張張都出局，得幾張係影得我男友靚仔咋！
好好好勁唷，可以忍到手，比我就勁想加多幾張啦~~!!
回覆刪除[版主回覆05/20/2008 20:06:00]因為之前第一輯滿意丫o麻，所以之後o個o的都硬係覺得麻麻，咪忍到手囉！
路過的 …. 唔好意思呀 .. 我想問下咩叫借唔借相板呀 ? 通常借相板用來什麼用 ga?
回覆刪除因知道選相時 … 都好多時唔比影底 d 相的 …
但有次見有人話 … 因她們無得借相板 .. 所以比影下 d 相 ..?
[版主回覆07/27/2008 20:01:00]因為香港婚紗店係晒o的相出黎俾你揀，唔係直接o係電腦揀o既，所以有借相辦！
借相辦即係佢會俾你揀好o左o既相你，好似$500按金借一張，借幾耐我就唔知喇！
通常o的人唔想等咁耐先有相睇，所以借黎scan o左先睹為快囉！
明白晒.... thx!
回覆刪除[版主回覆07/28/2008 10:12:00]唔好客氣！