廣州結婚用品團 – Day 3 (Part 2)

行完婚紗街拎相架框，就轉向近長壽路o既華林國際飾品中心6樓，即係以前婚紗街裡面o既百利商場喇！

佢其實5-7樓都係婚紗用品，但只係得6樓係全部裝修好營業緊！

呢度當然早檔o的啦，話晒都叫有冷氣o麻！

但o的o野真係好貴，普通一件男恤都要成100蚊人仔，返香港買好過啦！

好彩之前香港現代經典開倉，我用$40就幫豬豬買o左喇！仲要係全新嫁喎！

我o地o係呢個商場無收獲，就轉去行上下九路喇！

我終於都買到個紅喼喇！

其實尋日行去按摩途中見到有呢個款，但佢開價70，講極佢一蚊都唔肯減，所以最後無買到！

o係上下九行行o下，見到有袋賣，咪入去睇o下囉！

佢個紅喼收到最入，唔細心o的真係未必會睇到！

呢度一開價係120，咁我o地當然即走啦！

佢就叫我o地還價，咁豬豬話尋日見到係60咋喎！

個sales就再還我o地價，要80！

咁當然唔買啦，咁豬豬就話算喇！

個sales亦都講咁算囉！

哈！即係呢個喼只係賣60咋！又抵o左！

終於都買到我一直想買o既紅喼喇！

呢個廣州結婚用品行終於都叫完成任務！

不過，原來廣州係唔興用金阿、銀阿o個o的簽名筆嫁！所以都係買唔到！

至於啤牌，唔係好多有得賣！

豬豬話呢o的下次去深圳睇燈時買喎！

其實仲有花炮，因為之前睇過有o的網友話過唔到廣州火車關，所以都係唔買！

豬豬話人人都用花炮，我o地不如諗過另一樣代替花炮黎進場喎！

哈！阿奀已經答應幫我用佢o的唔使錢o既童工幫我整紙碎，宜家係爭點樣可以有響o既效果！

呢次3日2夜結婚用品行收獲超級豐富，終於都搞掂9成濕碎o既用品喇！