四川地震發生o左6日！
每次睇新聞個心都好up，見到o的小朋友無o左父母，有o的父母無o左仔女，有人行o左3-4日都搵唔到親人，有人要据o左隻腳保命！
尋晚新聞有對新人o係九寨溝影婚紗相途中發生地震！
呢對主角，係我公司工程部同事o既表妹！
好彩無事咋，唔係真係喜事變白事！
我諗呢對新人真係會永遠都記得，但已經o係婚禮籌備上有遺憾！
結婚應該開開心心，但當你見到其他人搵唔到親人同埋咁多人死傷，個心唔會安樂！
希望呢對新人經歷過呢次，更加珍惜身邊ｏ既人！
希望大家亦都係一樣，因為幸福唔係必然，有好多o野預計唔到！
我會好珍惜o係我身邊o既豬豬，同我一生最愛o既媽媽！
我都有捐錢去紅十字會，因為佢o地係買帳篷俾災民！
重建要最少半年，一定要有瓦遮頭先可以等到家園重建好！
希望大家能夠有錢出錢，有力出力啦！幫到幾多得幾多！
幸福不是必然, 生命亦得來不易 我們更懂要珍惜身邊人, 希望四川的同胞努力地生存 我地永遠都支持佢地
回覆刪除[版主回覆05/18/2008 22:13:00]無錯，講得好o岩！
真係要珍惜身邊的人,我哋己經好幸福喇~
回覆刪除佢哋要加油呀!
[版主回覆05/19/2008 08:50:00]無錯，將我o地o既幸福，傳到俾四川o既災民，令佢o地可以感受到人間溫暖！