新居準備之 Mega Box + E-Max 篇

今日長週，成個月有放假好似無放過假咁！

返到去就hea到放工，原來唔同媽媽一個長短週係勁free嫁！

放工就搭215x過去mega box會合豬豬喇！

我死蠢o左，早o左一個站落車，行o左成個字先到mega box！

豬豬仲驚我唔識路添，佢見到我，好似失散o左好耐咁，係咁攬住我！

我o地今日主力係要去睇傢俬！

先去o左喜百合食lunch，飲茶有7折，連員工價都唔使！

之後開始行喇！

o係B&Q行o左好耐，睇o岩o左大門門鎖喇，我要好grand o個種，豬豬亦都答應o左買！

行完B&Q，就過E-Max！

我之前上網睇人o地話有雅舍拎，我今次拎o左3本呀！

係就係舊o左o的，不過都係用黎參考o姐，裝修呢家o野，我諗無話out唔out dated嫁？！

總結今日我o地睇o左好多o野！

我o地打算入門口玄關位用一款貴o的，grand o的o既地磚！

而廳同房就用仿木紋磚或者一種鞋鞋o地o既磚，我唔識點形容呀，總之唔係吉腳o個種，係滑滑地，但濕o左水都唔會滑倒o既款！

等下個星期再去旺角格o下價就知大約買磚要用幾錢喇！

走廊門就會用中間磨沙款！

本來睇到一套櫃連枱，但開價要成3萬幾！

所以最後都係要bang o左呢個設計！用返我o地之前諗o既方向！

豬豬今日亦都應承o左我o係飯廳o既其中一面牆整有花紋o既鏡！

客廳同飯廳都會用水晶燈，今日見到盞燈好正，用黎擺o係飯廳，但要成3千幾！

遲o的上深圳睇o下有無呢款先！

大致上間屋初形已經構思好，宜家只係爭格價！

跟住搭免費車返九龍灣地鐵站！

我o地又去o左點睛品睇我o地想買o既第二對婚戒！

今次睇每隻貴o左成4百蚊呀！

豬豬話俾多一個星期時間我再考慮o下喎！因為一對貴o左成800，呢個真係要再諗清楚o的！

但個sales話儲夠10000分就可以有9折，咁計埋5年前o個對點睛品，仲爭少少先到1萬分！

豬豬話俾我買多對耳環喎，咁就可以夠拎個9折！

唉呀，好煩呀，真係唔知買唔買好！

我知豬豬同我都好鐘意呢對呢！今晚再諗o下先！

由於太累，所以就返o左屋企lu！無去PN拎返對婚戒！

聽日要去吉之島掃貨，要買上次睇中o既枱呢！今次應該會有9折呢！平過之前o既95折呀！

不過，仲未諗好要黑色定白色好！

黑色型o的，但白色會襯黎緊o既傢俬多o的！

不過我諗都係白色多嫁喇！

唉………..今個星期又無得休息喇，真係好累呢！

不過，累得係開心嫁，因為每個week都會有新進展呢！