安樂窩

其實，由鯉安苑開始起緊，我已經諗如果第時可以住呢度就好lu！

因為又近地鐵站，又係市區！

記得7年前去側魚涌返暑期工，日日搭地鐵都會經過呢個屋苑！

日日都諗第時可以住呢度！

估唔到宜家真係可以夢想實現！

呢個夢想，係豬豬幫我一齊實現！

無o左豬豬話一齊供，我跟本唔會有機會住o係呢個我7年前已經想住o既地方！

但呢個夢想，我一直都無講到俾豬豬聽，直至收到揀樓通知書時亦都無講！

豬豬都係尋日先知我呢個夢想！

我唔講俾豬豬知住，係因為我驚若真係揀唔到，我怕佢會因為實現唔到我個夢而唔開心！

宜家，估唔到o係一年內，豬豬幫我實現兩個夢想！

1個係我30歲前嫁得出，另1個就係住鯉安苑！

真係好多謝豬豬，我o既未婚夫咁疼錫我！

我好相信，自今年9月開始，我同豬豬都會好努力咁建立呢個屬於我、豬豬同我媽媽o既安樂窩！

當然，仲有未出世o既B仔或B女啦！