放工同豬豬搭船過灣仔，主要目的係陪飛飛去行婚紗展！
我o地當然各自行o左先啦！
我o地第一站去o左銀禧花車俾埋個尾數！
個sales仲認得豬豬添！
加多1個鐘，轉送埋架28座van！碌埋咭，唔使收charge！
Yeah！租車事宜終於都搞掂晒lu！
跟住就去南非好望角紅酒喇！
上次個女仔Angel無返，但另一個叫Vincy o既女仔返o左！
好彩我叫佢袋住張invoice，可以比較今次同上次個價爭幾遠！
支豹紋甜酒，比上次貴o左成$17一支呀！
點知我o地拎返上次張invoice出黎，豬豬問點解上次我o地無9折o既！
個女仔好倒老細米話俾我o地知，原來次次標價後仲會有9折！
咁我o地話點算先！
跟住個女仔就話同老細講補返支俾我o地！
我o地當然揀上之無得試而又最貴o既法國酒啦！法國酒真係法國酒，一飲就知嫁喇！
若要呢支，其實要補多廿幾蚊嫁，但因為係佢o地上次唔記得俾折我o地，所以當然係無收啦！
哈！我o地仲o係咁飲酒添！今次我諗有飲o左佢o地大半支！
我o地決定拎1支豹紋甜酒，諗住今晚食飯飲！
飛飛仲話點解我o地唔使錢可以有酒拎添！
當然啦，我同豬豬出手，當然要拎晒所有有用o既著數啦！
跟住去睇埋帖，我o地o個款帖真係加o左價喇，算個老細無扼我o地啦！
貴o左$1.2一張，咁即係我o地又慳$500喇！
哈！真開心！
去澳門現代經典，仲見到晶晶添，我o地打o左個招呼！
跟住去埋以馬內利，阿Joan仲話你o地張老鏈咁大o既水晶畫幾時捨得黎拎呀，你再唔拎我就拎出黎擺嫁喇！
哈！我o地話咁下個星期去拎囉！
今次婚紗展雖然無咩target，但行得都好開心呀！
最開心係估唔到有多次紅酒可以拎返呢！哈！
我都係好望角買酒呀, 老闆勁好傾. 我地都買咗豹紋酒, 好好飲
回覆刪除[版主回覆06/03/2008 19:37:00]你買o左幾多支呀？我3月o個次都同個老闆坐低一齊飲o左好耐呢！
雖然比上次我買貴o左成17蚊支，但我下次expo都應該會再買o的黎自飲，因為真係好好味嫁！
本來今次我只係諗住格下價,都未買架, 不過老闆好好人, 又好傾, 就買咗 雖然用唔晒有得退, 不過我都係買咗2打紅酒(我擺20圍左右) 我買咗兩枝咋, 臨走老闆都有問我地仲飲唔飲多杯, 我想飲架, 不過男朋友起身走我又唔好意思話好囉. 真係好好飲, 不過唔可以飲太多, 我驚肥丫
回覆刪除[版主回覆06/04/2008 13:31:00]其實我都已經買晒紅酒，o係佢度真係因為佢太熱情，同隻豹紋酒太好飲，所以買o左9支再加3支自飲！
我同我男友諗住到時拎8支豹紋酒去酒樓，因為個樽都幾型！
我收左相啦!0的相好靚,不過有1本入面脫左一忽仔,music dvd打格仔,要send返比佢地,仲有油畫相架角脫左少少,佢地話聯速遞事,可能唔比運費,要我比,仲未傾好。大致上0的相都好滿意,好靚,得閒黎我blog睇下。
回覆刪除[版主回覆06/05/2008 07:06:00]OK，得閒我去睇o下！
hahaa.. 原來係咁.... 我果日兩眼發光咁衝去 princess join package.. 都冇睇清楚, 又唔記得同飛飛傾下計... 真失敗!!
回覆刪除我 big day 係下年3月8日呀~~ 你早我四個月呀!! 見你準備得都七七八八, 但係我好似仲有好多野未搞咁..... 慘~~
[版主回覆06/06/2008 21:55:00]恭喜晒呀！
我由上年2月開始搞喇，搞o左年幾lu，梗係七七八八啦！
放心喎，你都好快會搞掂晒嫁喇！