今日公司媽媽去日本公幹4日，咁即係話我o地又可以relax 幾日喇！
知道另一位blog友今日上律師樓簽紙，咁即係話佢好快就可以拎key收樓喇！
真係恭喜晒呀！
我一定會記得呢住blog友，因為佢另一半係同豬豬同日生日嫁o麻！
大家都為o左另一半生日費盡心思呢！
其次就係佢提o左我男友舊曆生日，今日check返原來係今個星期六！
Um……….可以俾咩surprise 豬豬呢？
因為一路我都唔記得豬豬幾時舊曆生日，若今年我記得的話，豬豬一定好開心o姐！
o個日plan o左同飛飛去婚紗展，可以點樣俾surprise呢？！
不如就同飛飛夾埋，去食餐好o既，仲要有埋生日蛋糕或壽包之類，唔知work唔work呢？
等我同飛飛商量o下先！
豬豬尋日自己去o左新世紀睇傢俬！
佢睇中o左有我o地想要o既C字柜，宜家打算造個6呎到頂、連紅酒柜o既C字柜！
不過，我o地應該會o係同一間傢俬店訂造全屋傢俬，唔分幾間，起碼個價都會好o的先o麻！
好有心思呀~~
回覆刪除[版主回覆05/29/2008 07:07:00]邊係丫，係我無o野做搵o野黎做o姐，哈！
c字柜, 6呎高....應該都幾正wor~~
回覆刪除[版主回覆05/29/2008 07:08:00]希望出黎個效果同預期差唔多啦！
係呀！我星期一可以上律師樓攞收樓書，星期二約好咗管業處攞鎖匙！
回覆刪除哈哈！我又獻吓計先，我記得有一年佢嘅農曆生日我扮晒嘢話出旺角等然後我要去買嘢，跟住計到佢差唔多到嘅時候就打比佢話有個朋友喺附近ｃａｆｅ叫佢幫我上去問朋友曪張ｄｉｓｃｏｕｎｔ咭先，其實上到去我同成棚朋友坐定定仲買埋生日蛋糕同佢做生日！佢嗰吓．．．驚喜到爆．．．．
到時妳入伙記得影返ｄ靚相比我睇呀．．．．．
[版主回覆05/29/2008 19:31:00]我遲你一個星期拎key呢！
入伙一定share 相俾你睇o既！
我o個日會同佢一齊呢，但你個方法都可以參考o下，thx你呀！