今日o係吉之島，另一個任務就係買被喇！
我之前已經睇中o左兩款雅芳婷婚嫁系列！
今日再去睇，要二選一！
一個係織提花款，一個係大紅繡花款！
最後我o地都係揀o左大紅繡花款！
因為有個囍字o麻，豬豬都係鐘意呢款多o的！
話晒係for結婚，紅o的同有囍字會好意頭o的！
哈！估唔到原來我都係一個咁傳統o既人！
我見雅芳婷專門店唔係成日有折，同埋係咪遲o的都要買，咁見今日橫掂都有9折，就買埋佢喇！
我o地無要連心被芯，只係要o左枕袋、床單同被袋！因為之前已經買o左張新被喇！
我揀雅芳婷當然係鐘意佢o個個繡名同日期服務啦！
張被3個星期後有得拎！
結婚o野又完成一樣喇！好多謝媽媽送俾我o地呢！
好開心今個月婚禮進展得咁快！
不過，其實都仲有好多o野未搞喎，黎緊半年都仲要努力呢！
買了被被真係好 繼續努力呀
回覆刪除[版主回覆05/18/2008 22:14:00]你都係呀，一齊努力！
我都仲未買呀~不過應該都係買雅芳婷系列
回覆刪除[版主回覆05/19/2008 08:50:00]其實我都係早o左買，因為見有discount咋！
我都仲未睇中買咩款呀...時到記得POST相出黎呀
回覆刪除[版主回覆05/19/2008 08:52:00]呢o的真係好個人喜好嫁！因為我電腦有o的問題，所以相都只可以o係相簿post，post唔到連埋個日誌呢！
到時拎o左share俾你睇！
我都會買雅芳婷系列....不過係hellokitty~~~
回覆刪除[版主回覆05/19/2008 13:20:00]哈！你都係hello kitty粉絲黎嫁！
雅芳婷既被 ~ 真係好靚, 又用得舒服 ~
回覆刪除[版主回覆05/19/2008 13:20:00]希望我無揀錯啦！
我有時間都要去睇下先~~不過貴唔貴呀?
回覆刪除[版主回覆05/19/2008 13:21:00]一set唔計被芯你預大約1,500倒啦！佢款款個價都有少少唔同o既！
好想快d睇到你既龍鳳被呀~~ 我都未買~~ 哈哈~
回覆刪除[版主回覆05/19/2008 19:48:00]拎到後一定share俾你睇！
慢慢睇o岩心水先啦，仲有成半年時間！
我9月結婚,我媽咪都話唔駛咁快買龍鳳被住,哈哈,咁我唔理佢喇~
回覆刪除[版主回覆05/21/2008 20:00:00]其實我都覺唔使咁早嫁，不過見佢有折，咪買o左佢先囉！