全城默哀

溫總昨日宣佈，o係今日2點28分為四川災民默哀3分鐘！

我o地今日公司都出晒e-mail通告，全公司上上下下，包括所有寫字樓，廠房同分店都響應！

默哀o個3分鐘，個office真係好靜，連平時響過不停o既電話，o係呢3分鐘都停晒！

只係短短3分鐘，但對四川災民黎講，3分鐘就可以將佢o地o既家園摧毀、家人失散！

呢兩日新聞，見到有人被救出，佢o地o既生存意志好強！

正常人o係無水無糧下都仲可以捱到百幾小時，真係好佩服佢o地o既求生意志！

希望呢兩日，會有多o的被困o既人能救出！

四川o既災民，加油呀，全球好多人都為你o地打氣！