廣州結婚用品團 – Day 2 (Part 2)

為o左爭取時間，所以我o地黎個quick lunch！

去o左酒店附返個繽繽廣場裡面間膳6度食！

我o地去到o岩o岩有下午茶！

食完都成3點9，就出發去藝景園喇！

由於o個度好大，同埋各pair目標都唔同，又係分開行，約返5點o係北大門等！

我o地搵到搞氣氛o既閃光手指喇！

格過幾間，都係最後一間最平！

就咁一色LED其他最平都要8毫子支，呢度係flash o既LED，都只係1蚊！

我o地買o左total 120支，諗住每隻色擺1支，即係每枱總共4支放o係枱面，用黎進場用！

另外亦都買o左個龍鳳cushion套，比起之前婚紗街平o左5蚊！

最後就買埋題名冊，係金色嫁，細細本，用黎註冊時俾人簽！

初初問幾間都要成20本，咁o岩阿奀o係o個間買緊紗袋同貼紙，所以我o地可以13蚊買！

哈，又慳o左！

而阿謙因為未有idea諗住咩做小禮物，所以佢只係行o下，咩都無買到！

阿謙仲問我o地預備o左咩小禮物，我話唔講得！

佢話我o地都唔黎得你o地個婚宴，講黎聽o下喎！

我同豬豬講話其實無所謂，反正佢o地都遲過我o地兩個星期！

跟住豬豬左問右問，終於都套到阿謙佢o地諗住整筆，即係有埋相同年曆o個隻！

咁豬豬就話咁唔同佢講lu，反正佢都無同我o地撞禮物！

買完晒o野當然擺o野返酒店先啦！

睇晒藝景園，都係覺得德寶買利是封係最平，所以諗住返去買埋，跟住先去食晚飯！

點知未夠6點個商場已經關o左，唯有聽日我同豬豬早o的起身，去o左買先再返酒店會合佢o地啦！

跟住出發去沈生湯館喇！

我o地唔使book枱都有房坐添，真爽！

食飽飽，下站節目係按摩！

但因為食飽o左，所以大家決定一路行，到行到差唔多頂唔順先搭車去目的地！

點知豬豬同阿謙佢o地都唔知係咪夾埋，係咁話就到就到，so我o地就無搭的士喇！

我o地行o左成個半鐘先去到按摩地方！

我、Maggie、阿奀同阿樂都覺得有俾佢o地兩個扼o左o既感覺！

不過算啦，反正都黎到喇！

阿謙同Maggie無做推拿，只係淨沐足，所以佢o地沐完足就走先lu！

我o地加埋推拿，最後未夠1點就返到酒店喇！

本來諗住去食宵夜o既，不過附近除o左麥當當之外，都收晒舖，so我o地就放棄o左喇！

聽朝約o左阿奀同阿樂10點3 lobby等，因為阿謙唔使再去婚紗街，所以朝早唔預佢o地份lu，等佢o地訓多一陣！

仲有1日行程，但都仲有少少o野未買齊，聽日再努力過！