早兩日，我突然間問o左豬豬一個問題！
我問”其實你由幾時開始諗住娶我嫁？”
豬豬就答話好耐喇，耐都我都唔記得幾時開始有呢個諗法！
其實同o左豬豬一齊兩年時，我已經諗我真係搵到一個可以付托終身o既人！
跟住就開始我o地o既儲錢大計，雖然唔多，但係係大家雙方一齊o既付出，等將來可以一齊分享到成果！
儲o左4年錢，終於都可以向我o地o既計劃進發！
因為爸爸早過身，所以其實我唔係好知一段正常o既婚姻生活應該係點！
但，我相信，豬豬一定能夠俾到一個幸福美滿o既婚姻俾我！
見到4姨，佢18歲結婚生仔，由同姨丈住廉租屋，到公屋，到宜家居屋，仲有幾間舖收租！
o個時我婆婆好唔想我4姨嫁俾我姨丈，認為姨丈無錢！
但有誰又估到今時今日，4個姐妹之中，生活最好o個個係4姨呢！
我呢個4姨，真係傻人有傻福嫁！
所以，好多o野都唔可以睇表面！以前無，唔等於將來無！
係自己選擇o既，就要相信自己o既感覺！
其實我覺得有時d野係上天安排好,你有就會有,諗得太多盞令自己唔開心,所以係傻人有傻福~
回覆刪除[版主回覆05/21/2008 08:40:00]無錯，好多o野都係個天安排好！
第一次來,你好.... 祝你地永遠幸福啊!
回覆刪除[版主回覆05/21/2008 08:40:00]我都祝你幸福呢！
lee d就係命運,未來係未知之數...........大家只要生活開開心心就是幸福的原動力!大家一齊加油~
回覆刪除[版主回覆05/21/2008 08:40:00]大家一齊為幸福而奮鬥！
咁你4姨真係愛你姨丈ga ma~~ 依家得到幸福真係太好啦~~
回覆刪除[版主回覆05/21/2008 08:41:00]我同4姨感情好好，所以見到佢宜家有個錫佢o既老公，有個好新抱，都真係替佢好開心嫁！
搵到一個 可以付托終身 o 既人係好難得架~~~
回覆刪除[版主回覆05/21/2008 13:28:00]所以我o地要珍惜我o地宜家擁有o既一切！
我都覺得...有時唔可以只睇而家係點.....
回覆刪除只要大家相愛...為彼此將來努力....
咁就已經好好啦.....!!
[版主回覆05/21/2008 13:28:00]agree！
我o地大家一齊為未來而努力！
有邊對夫妻可以一開始就好多錢O係袋丫,只要兩個人一條心,最多咪由低開始,一D一D咁儲,我都信我將來同我既另一半都可以生活得開心架~
回覆刪除[版主回覆05/21/2008 20:01:00]無錯！我深信我o地個個日日都能夠幸福快樂！
有時錢都唔係一個衡量嘅單位嚟嘅，幸福同金錢唔一定成正比。我覺得如果比妳亞姨只可以揀一樣，佢一定揀妳姨丈嘅愛多於金錢，所以金錢對佢嚟講只係BONUS，當然希望大家都有呢個BONUS啦，但最緊要就係主菜(另一半)冇變一樣咁錫自己！
回覆刪除[版主回覆05/21/2008 20:02:00]講得o岩呀，錢雖然係重要，但有個錫自己o既人更重要！