今日幫豬豬約o左阿奀，因為要俾婚紗展invitation card佢！
因為阿樂星期六要返工，所以星期六唔可以去，咁星期日飛飛佢又唔得閒，所以阿奀佢o地星期日自己去！
咁佢又無飛，我咪俾我張飛佢入去囉！
橫掂飛飛都有4張飛，夾埋有6張，咁唔好sign o麻！
我都有禮物收返，就係上次o係廣州買個小皇冠留o左o係阿奀度，今日佢拎返俾我！
仲借o左本深圳家居雜貨採購book俾我添！
因為我6月頭會去深圳一轉，視察環境o麻，有本book做盲公竹，點都好o的o既！
仲有就係阿奀借o左佢張教協証俾我，等我可以去買平床褥！
哈！我一份禮物換o左3份禮物返黎呢！
不過，就辛苦o左豬豬要特登出旺角拎喇！
教協買床褥唔一定最平架，反而電器就真係平！最好睇啱之後打去九龍分會度問埋價錢，有d小電器要訂嘅可以訂埋，到後先上去比錢順便訂床褥，唔使行多次嘛！！我上次問教協詩林百蘭都冇直銷中心買嗰offer咁抵，所以周圍格吓先！！
回覆刪除[版主回覆05/30/2008 07:07:00]我都係咁諗，所以呢個星期日諗住去睇床褥，先決定o係唔o係教協買！
電器我一件都唔使買呢！宜家好多都用得呢！
我遲d都問個friend借教協証買電器&床褥,好似平出面好多~
回覆刪除[版主回覆05/30/2008 07:07:00]我諗一o的o的啦，都係出去格o下格先好o的！
我之前d電器全部都喺教協買，慳埋慳埋都平咗2000幾呀！我遲d都會去買部抽濕機，不過當然都係格吓價先啦.....哈哈！
回覆刪除[版主回覆05/30/2008 09:03:00]E........係喎，我都要買抽濕機，不過睇o下班fd係咪送俾我做入伙禮物先決定買唔買！