多得各blog友們o既支持，今日終於都解決o左困擾成個月o既事喇！
今朝打算10點起身，點知9點就醒o左，可能心思思、有件事啦！
我11點半就到o左樂富，o係出面睇住個大電視！
o個刻個心突然跳得好快！
經過今朝2輪半揀樓，心水單位仲o係度！
跟住11點9開始俾人入房坐住等，o個時先仲緊張！
前面對couple睇緊售樓價目表，仲圈住我想要個單位；後面對couple就講緊會揀x座xx樓！
o個時豬豬都仲未黎到，聽到其他人咁講，真係心都實晒呀！
一路睇住心水個單位有無變色，真係好緊張刺激嫁！
好彩，11點尾o個輪都無人揀o左心水！
跟住12點就入揀樓房喇！
豬豬亦都係呢個時候趕到黎，我當堂心都定晒！
原先我係排到第廿幾個先有得揀，但因為好多人都無黎，所以第7個就到我喇！
一埋枱即講藍田鯉安苑X座xx樓xx室！
就係咁，就揀o左喇！
跟住佢o地print張紙俾我o地去買本票，但我最concern 係個印花稅！
好彩佢個印花稅估值係$1,970,000咋！
唔過二百萬，即係只需要俾$100咋！
跟住拿拿聲去買本票，跟住返去拎籌等交本票！
我返到去拎籌時係12點50咋，因為1點至2點食飯，我同豬豬就去問o左按揭先喇！
跟住2點返到等叫名，呢個過程係歷時2個鐘嫁！
拎埋o的文件都成4點，就去返HSBC交copy申請按揭喇！
仲拎o左$100百佳coupon添！
真係俾豬豬講中，個天真係要我買呢個單位！
我原先話邪，係因為揀o個個單位都係27樓，而門號只係爭1個no.！
不過，呢個單位都係我心水頭20個其中一個！
真係好開心，終於都完成o左另一大project o既其中一個task喇！
宜家係等按揭批o左就可以上律師樓簽文件收樓喇！
睇到我都好緊張呀~恭喜~
回覆刪除[版主回覆05/02/2008 17:39:00]多謝晒呀！其實我緊張o左成個月嫁喇！
我都係喺HSBC做按揭架！！趕住收工，聽日再恭喜過妳吖....不過我好開心.......因為妳願望成真！！
回覆刪除[版主回覆05/02/2008 18:11:00]多謝晒你呀！
大家都願望成真，可喜可賀呢！
恭喜呀！
回覆刪除決定點裝修未？
[版主回覆05/03/2008 22:08:00]宜家諗緊，又要做功課lu！
恭喜哂,終於可以放下心頭大石喇~
回覆刪除[版主回覆05/03/2008 22:09:00]係呀，舊大石終於都可以放低喇！哈！
你就好啦，終於搞左單最大工程........真係登你開心
回覆刪除[版主回覆05/03/2008 22:09:00]呢單都未算大，裝修先最大，諗起都頭痛呢！哈！
恭喜你, 可以揀到心水既屋, 我地都鬆一口氣呀
回覆刪除[版主回覆05/03/2008 22:10:00]thx你o地一路o既支持呀！
所以今次我揀得成，你o地都有功勞呢！
恭喜你呀, 揀到心水單位
回覆刪除真係恨死隔離 ^^
[版主回覆05/03/2008 22:10:00]唔使恨，相信你亦都好快搵到你o地o既心水單位嫁喇！
恭喜你呀, 揀到心水單位!
回覆刪除[版主回覆05/03/2008 22:48:00]都係多得你o地一路o既支持咋！
恭喜你, 可以揀到心水既屋~~
回覆刪除恭喜你地呀！我都係想 揀鯉安苑，但我去睇過啦，好以無機會lu............唔知可唔可以做到Bolg友&鄰居呢?我9仟幾 籌
回覆刪除[版主回覆05/09/2008 07:09:00]若要求唔係太高，都仲有機會嫁！
希望大家做到鄰居啦！
路過見到你個blog~恭喜你先 ~我舊年都係12點入去揀樓~勁緊張 ！！不過竟然預先mark左20個choice都無俾人揀到 ！！諗返真係好好彩 ~
回覆刪除[版主回覆06/01/2008 18:10:00]恭喜晒你先！
我都好開心可以揀到心水單位呢！