新居準備 – 吉之島篇

一連4日吉之島吉日，當然唔可以放過呢個咁好o既機會啦！

我o地上個月尾已經睇中o左張飯枱！

本來想5月2號去買嫁喇！

不過，宜家好彩5月2日o既95折我o地無買到咋！唔係就真係蠢o左喇！

今日有9折呀，仲慳多o的！

經過現場再睇，終於都決定o左張枱o既顏色！

我o地要o左黑星石面呀！好有科幻feel！

現場睇真係型過白星石嫁！

買枱連四張椅，我o地要o左仿真皮o既白色！

真係型到爆嫁！哈！

跟住買埋之前睇中o既鞋櫃！

之前睇過好多間都無我o地想要o既款，點知吉之島有我o地o既dream鞋櫃！

咁就襯佢9折買埋喇！

兩樣夾埋平o左成$558呀，比起平時o既95折平多成$300！

哈，女人貪小便宜o既心態，雖然唔算平o左好多，但已經好開心同滿足！因為兩樣都係我o既心目中想要o既o野o麻！其實就算佢無discount，我o地都會買o既！

我o地要求兩個月後送貨，等新居裝修好，咁o的傢俬就可以即刻有喇！

好開心新居又有新進展呢！