廣州婚紗用品行 – 後感

由上年5月開始到今年5月，總共上o左廣州4次！

第一次係去探路，第二次就訂婚紗，第三次就拎婚紗，第四次就買濕碎o野！

先講第1次去先！(o個時匯率係1.01！)

去之前上網search o左好多資料，邊度有o的咩賣，邊度會抵o的！

o個時係一o的頭緒都無嫁，好彩有唔少網友分享佢o地o既資料咋！

第一次去婚紗街，我同豬豬只係周圍睇o下，格o下價咁！

o個時真係比香港平好多！

第2次去就真係諗住action喇！(匯率係1.03！)

記得o個次係同周生&佢女朋友去o既！

呢次睇o岩o左件婚紗，仲訂造埋添！

1個月後有得拎！

呢件係for 註冊時著o既！

呢次仲買o左敬茶茶壺、影相用o既鞋添！

第3次係上年11月，上去拎返件婚紗！(匯率係1.05！)

佢度身訂造o岩o岩好，係唯獨是背部有少少鬆！

佢即刻幫你改，半個鐘就有得拎！

今次仲買埋小禮物用o既盒添！

第4次，亦都係婚前最後一次，今次目的就大喇！(匯率係1.13！)

買晒所有濕碎o野！

總結呢1年，人民幣升值，加上物價上升，好多o野都貴o左！

好似套茶壺咁，上年我買時就人仔43，加上人仔未升得咁勁，對返港幣都只係45倒！

今次套茶壺要成50人仔，對返港幣都成56.5！

o的鞋之前成街都賣39，今次間間標價要成45！貴o左成15%！計埋升值，貴o左24%！

我其實都好後悔上年年尾o個次無買到套碗！

若真係諗住返廣州買o野平o的o既話，宜家真係要諗過喇！

無錯，o的o野單價係平過香港3-4成，但計埋其他住宿、車費用匯率咁，到頭黎可能同o係香港買差唔多！

但若要買婚紗、晚裝，我都建議可以上去睇o下！

但款就真係見人見智啦！新款o的當然係會貴o的，宜家大約人仔700-800倒啦！呢個係無拖尾個價！

但要考慮你會唔會再上去fitting多一次喎！

阿奀就係唔想再上去fitting，所以都係決定o係香港買！

但相架就真係勁抵，平過香港最少10倍呀！計返車費都平成截嫁！

上年我都仲會叫我o的fd上去買結婚用品，但宜家我o既建議係：

若唔諗住買婚紗晚裝相架框咁，可以唔上廣州囉！

因為宜家人仔真係太貴喇！