下個月9號豬豬生日喇！
今年豬豬生日，適逢係端午節假期，連埋星期六，可以連續有3日假！
由於係婚前o既最後一個生日，我想俾個既難忘，又驚喜o既生日俾豬豬！
但仲未諗到點好，真係諗到頭都爆！
宜家有幾個方案，都尚在考慮中！
1. 澳門威尼斯人酒店住宿
2. 長州行
3. 中山古兜溫泉
4. 番禺長隆歡樂世界
5. 香港廸士尼
不過意向係去長隆，因為豬豬好鐘意玩機動遊戲，同埋之前佢講過想去！不過唔知佢鐘唔鐘意一個月後再去廣州o姐！
我諗住搞到晒所有o野，6月頭先通知豬豬！
即係話，我黎緊呢兩個星期就有排頭痕喇！
要一手一腳，仲要唔俾豬豬知得住，希望可以真係俾到個驚喜佢啦！
而禮物方面，我諗住相簿或者係手提電話！
因為豬豬同我同款但唔同色o既手機已經開始壞，但佢又唔捨得sign錢喎！
但又未知佢鐘意邊款喎！真難搞！
唯有呢排同豬豬行街時探o下口風啦！
原來你男友生日同我同一日呀!
回覆刪除[版主回覆05/15/2008 07:08:00]咁o岩？！
哈！咁我一定記得你生日喇！
生日去海洋公園會免費, 你會唔會考慮下! 我男友剛剛生日, 我地都玩左1日.
回覆刪除[版主回覆05/15/2008 20:02:00]都可以考慮o下喎！等我探o下佢口風先！
嘩嘩嘩....我都係打算去廸士尼呀！不如妳都去啦，睇吓我哋嗰日可唔可以相認到...哈哈哈
回覆刪除[版主回覆05/15/2008 20:03:00]係............咁等我試o下問o下佢係咪想去先！
如果妳有定案記得通知我呀，有得抄考吓嘛.....
回覆刪除[版主回覆05/15/2008 20:03:00]當然會啦，你有好idea都記得分享俾我參考o下喎！