生日快樂 – 下集

我o地o係八月居食完飯，因為無飲到支酒，而今晚又有波睇，咁就上o左飛飛屋企喇！

咁1點3先開波，當然之前最好娛樂就係打牌啦！

我o地今次無打錢，係打輸o左o既就飲酒！

輸1舖3番飲3指份量，自摸飲一半！

哈！飛飛係咁出沖，再唔係就我o地自摸！

頭4圈佢舖舖都差唔多要飲呢！

我諗佢飲o左大半支我o地拎去o既酒呢！

我o地一路睇波，一路打牌，一路飲酒！

由11點幾打到6點，都只係打o左8圈！

哈！梗係啦，又要飲，又要睇波，係慢o的嫁喇！

飛飛到最後一圈好搞笑，係咁話要掁住，唔好訓！

因為佢真係飲o左好多呢！

支豹紋甜酒同埋佢屋企支Balery，差唔多都係佢飲晒，想唔眼訓都幾難lu！

又玩o左一晚，仲開心過打錢呀，good！

下次都可以用酒代錢，咁會玩得開心好多呢！

仲可以睇o下邊個最快唔掂添！哈！

今日真係玩得好開心呀！

婚紗展 – 收獲篇

放工同豬豬搭船過灣仔，主要目的係陪飛飛去行婚紗展！

我o地當然各自行o左先啦！

我o地第一站去o左銀禧花車俾埋個尾數！

個sales仲認得豬豬添！

加多1個鐘，轉送埋架28座van！碌埋咭，唔使收charge！

Yeah！租車事宜終於都搞掂晒lu！
跟住就去南非好望角紅酒喇！

上次個女仔Angel無返，但另一個叫Vincy o既女仔返o左！

好彩我叫佢袋住張invoice，可以比較今次同上次個價爭幾遠！

支豹紋甜酒，比上次貴o左成$17一支呀！

點知我o地拎返上次張invoice出黎，豬豬問點解上次我o地無9折o既！

個女仔好倒老細米話俾我o地知，原來次次標價後仲會有9折！

咁我o地話點算先！

跟住個女仔就話同老細講補返支俾我o地！

我o地當然揀上之無得試而又最貴o既法國酒啦！法國酒真係法國酒，一飲就知嫁喇！

若要呢支，其實要補多廿幾蚊嫁，但因為係佢o地上次唔記得俾折我o地，所以當然係無收啦！

哈！我o地仲o係咁飲酒添！今次我諗有飲o左佢o地大半支！

我o地決定拎1支豹紋甜酒，諗住今晚食飯飲！

飛飛仲話點解我o地唔使錢可以有酒拎添！

當然啦，我同豬豬出手，當然要拎晒所有有用o既著數啦！

跟住去睇埋帖，我o地o個款帖真係加o左價喇，算個老細無扼我o地啦！

貴o左$1.2一張，咁即係我o地又慳$500喇！

哈！真開心！

去澳門現代經典，仲見到晶晶添，我o地打o左個招呼！

跟住去埋以馬內利，阿Joan仲話你o地張老鏈咁大o既水晶畫幾時捨得黎拎呀，你再唔拎我就拎出黎擺嫁喇！

哈！我o地話咁下個星期去拎囉！

今次婚紗展雖然無咩target，但行得都好開心呀！

最開心係估唔到有多次紅酒可以拎返呢！哈！

生日快樂

今日又係長週呀，好不容易先等到1點放工！

豬豬o係1點半都過到黎碼頭，我o地就出發搭船去灣仔喇！

行去搭船時，我同豬豬講生日快樂！

佢話點解我記得o既，你唔係唔知o既咩？！

哈！有心就一定記到o既！

o係船上面送o左份禮物俾豬豬！

佢一見到，係個迷你版piglet立體砌圖，佢即時話好得意，好似我！

我話俾佢知砌o左1個鐘嫁喇，佢仲好有興趣想知點砌添！

哈！跟住佢以為無喇！

我就話，仲有一份嫁，你拎開張紙先啦！

跟住就見到我為佢準備o既第二份禮物！

係1個tailor made o左豬豬個英文名o既咭片盒！

豬豬話好靚，跟住佢反轉個底，就見到佢個名喇！

豬豬o個一刻好突然，因為估唔到有佢個名！

話我一定整o左好耐，好靚！

佢話好鐘意份禮物！

跟住夜晚同飛飛o個pair去八月居食飯！阿奀因為買o左飛去睇戲，所以無join到我o地！

我o地今餐好豐富呀，有BB豬，有麵，仲有壽包食添！

今餐食o左成2個幾鐘呀！一路傾計，一路食，好耐無試過食得咁開心！

豬豬同Icqau 都好開心，兩個壽星仔都有禮物收呢！

半公開o左lu

今日等齊人開會時，我問二公子拎佢o岩o岩去完意大利o既行程！

我話俾我做參考！

跟住開完會，二公子就話，我有個fd同佢老婆之前係去意大利渡蜜月！

咁我就話，我都係去honeymoon喎！

跟住我仲去佢個位，開個婚網俾佢睇添！

哈！佢話我影相個樣好假，因為完全唔似我平時個樣！

佢條死仔仲留o左我言添！

佢話要激o下我老公喎！

我叫佢千祈唔好講俾阿ton知，唔係就全個office o既人都知嫁喇！

全non-food有18人，已經有9個人知道我年尾結婚喇！

但真正日期就唔係個個都知！

二公子仲話我一講到呢o的，個樣甜到呢………….

當然啦，我有個好老公o麻！嘻！

安排好喇！

宜家豬豬去o左博殺，要大殺三方呢！

咁呢個咁好o既時機，當然要準備我份禮物啦！

頭先用o左1個鐘砌好份禮物喇！

第一次砌，原來唔係想像之中咁易嫁！

仲俾媽媽話我傻添！

跟住仲有第二個驚喜，唔知聽日豬豬見到時會點呢？

我係tailor made嫁，係獨一無二呢！

都係多得大馬師姐今日食完lunch陪我去行俾意見我咋！

至於第三個surprise呢.................

八月居今日已經打o左電話去book o個兩樣最重要o既o野喇！

聽日除o左係豬豬舊曆生日，仲係飛飛男友離新曆生日4日o既日子！

咁即係有兩個壽星仔啦！

希望聽日佢兩個都滿意呢個安排啦！

第22屆香港國際旅遊展

今朝log in ESD時，發現有個叫” 第22屆香港國際旅遊展” o既物體！

咁要plan o下honeymoon o既行程，咪click入去睇o下囉！

點知佢仲可以登記拎飛添！就咁入場星期六要30，星期日就20嫁！

我自己登記一次先，試過work，就幫豬豬登記埋喇！

只要print返封e-mail出黎就可以入場嫁喇！

好o野，宜家有兩張飛喇！

日期係6月14-15號，等我叫豬豬一齊去睇o下先！

向計劃honeymoon邁進一步先！

婚展參展商

終於都搵到今次expo個exhibitor list喇！

http://www.hka.com.hk/hka_show/swe08/list.swf

有我o地間租車呢！

咁今次去就有目的喇，就係去俾埋個尾數喇！

o係門市度碌咭要收charge 而expo就唔收，咁當然等expo去俾啦！

今次亦都有我o地之前買甜酒間公司，等我o地去睇o下見唔見到上次個sales先！

好o野，今次去終於都叫做有o的o野做喇，唔使剩陪飛飛行！

等我話個好消息俾豬豬知先！

交換禮物

今日幫豬豬約o左阿奀，因為要俾婚紗展invitation card佢！

因為阿樂星期六要返工，所以星期六唔可以去，咁星期日飛飛佢又唔得閒，所以阿奀佢o地星期日自己去！

咁佢又無飛，我咪俾我張飛佢入去囉！

橫掂飛飛都有4張飛，夾埋有6張，咁唔好sign o麻！

我都有禮物收返，就係上次o係廣州買個小皇冠留o左o係阿奀度，今日佢拎返俾我！

仲借o左本深圳家居雜貨採購book俾我添！

因為我6月頭會去深圳一轉，視察環境o麻，有本book做盲公竹，點都好o的o既！

仲有就係阿奀借o左佢張教協証俾我，等我可以去買平床褥！

哈！我一份禮物換o左3份禮物返黎呢！

不過，就辛苦o左豬豬要特登出旺角拎喇！

新居準備 – 預約管理處篇

今日打o左去管理處，約時間去拎key！

聽電話個女人以為我好急，下星期就要拎，所以話要睇o下有咩時段！

跟住我話佢知係約11號，佢就話咁有好多時段可以揀！

最早係9點半，我約o左10點半去拎key！

因為搞埋o的手續，我諗都要成11點先可以出發去新屋！

到時就會約埋個師傅大約11點半，同豬豬一齊上新屋！

咁順便可以叫師傅幫o下眼驗樓o麻！哈！

仲有個幾禮拜我就可以去睇o下我間新屋喇！

好期待呢！

驚喜 – 落實篇

終於都決定o左星期六去完婚紗展去邊度食飯喇！

就係去八月居喇！

因為豬豬聽我話成日去，有幾好食，搞到佢都好想去食！

尤其係個BB豬呢！聽日要打去留定隻先得！

最重要當然係要book埋半打壽包啦！

呢o的要事前準備，唔可以到時先叫，唔係豬豬就無o左個surprise！

至於份小小禮物，今日終於都諗到買咩！

就係…………..

聽日下晝再去睇o下先！

再唔係就放工先去買，因為豬豬聽日約o左公司同事每兩月一次o既聚會 – 雀局呢！

希望到時真係可以俾到個surprise豬豬啦！

兄弟團名單出爐喇

今日豬豬終於都confirm晒兄弟團名單喇！

排名不分先後，有：

1.      周生 – 伴郎

周生係豬豬Year 2 同 3 o既同學、我同豬豬o既朋友、亦都係我同伴娘o既朋友！同伴娘一樣，見證我同豬豬由朋友變為情侶，再做夫婦！搵佢做伴郎再拍埋伴娘，簡直天下無敵呀！

2.      阿Vic

係豬豬Year 1時o既同學，o個日負責開車車我班靚靚姐妹嫁！

3.      老金

亦係豬豬Year 1同學，同阿Vic & Edmond係好朋友！佢o地成日o係msn傾男人o野嫁！哈！

4.      Edmond

都係豬豬Year 1同學，好識搞笑嫁！本來諗住搵佢做mc，但豬豬驚魚魚太高，襯埋Edmond好似唔係咁好喎！

5.      Steven

豬豬將會離開公司o既同事，亦係麻雀枱上o既雀友！呢個Steven仔，成鬼日叫我做阿嫂，搞到我好唔好意思！

6.      細佬

親細佬，好可惜佢屬雞，唔係就做伴郎lu！豬豬好錫佢呢個細佬，我亦都當o左佢做親細佬！

7.      阿Kiu

豬豬Year 2 同 3 o既同學，亦係伴郎o既同學！佢o岩o岩買o左樓，豬豬仲有好多o野要請教佢添！

8.      Andrew

豬豬Year 2 同 3 o既同學、伴郎o既同學、我同伴娘o既朋友！Andrew佢好搞笑嫁，有佢肯定唔會悶親！

 

宜家兄弟姐妹團終於都正式運作喇！

真係要多謝佢o地黎緊呢半年為我o地o既婚禮o既付出呢！

我可以開始organize我個兄弟姐妹團聚會喇！

不過，先黎個姐妹團聚會先啦，等佢o地團結o的，到時”咬”封開門利是都齊心o的o麻！哈！

開心事

今日公司媽媽去日本公幹4日，咁即係話我o地又可以relax 幾日喇！

知道另一位blog友今日上律師樓簽紙，咁即係話佢好快就可以拎key收樓喇！

真係恭喜晒呀！

我一定會記得呢住blog友，因為佢另一半係同豬豬同日生日嫁o麻！

大家都為o左另一半生日費盡心思呢！

其次就係佢提o左我男友舊曆生日，今日check返原來係今個星期六！

Um……….可以俾咩surprise 豬豬呢？

因為一路我都唔記得豬豬幾時舊曆生日，若今年我記得的話，豬豬一定好開心o姐！

o個日plan o左同飛飛去婚紗展，可以點樣俾surprise呢？！

不如就同飛飛夾埋，去食餐好o既，仲要有埋生日蛋糕或壽包之類，唔知work唔work呢？

等我同飛飛商量o下先！

豬豬尋日自己去o左新世紀睇傢俬！

佢睇中o左有我o地想要o既C字柜，宜家打算造個6呎到頂、連紅酒柜o既C字柜！

不過，我o地應該會o係同一間傢俬店訂造全屋傢俬，唔分幾間，起碼個價都會好o的先o麻！

新居準備 – 約師傅篇

今日同律師樓約好晒時間，就跟手約埋師傅6月11號上去新屋度尺報價喇！

呢個任務，當然係由豬豬做啦！

師傅話o個日無問題喎，不過就叫豬豬早一日提o下佢喎！哈！

度完尺師傅話過一、兩日可以報到價，咁即係o個個week可以confirm晒所有價錢喇！

如無意外，想16號可以開工，因為時間實在太緊迫喇！

因為要o係7月尾前做入伙儀式，唔想等到農曆7月！

做完入伙儀式先再慢慢搬o的o野過去！

我諗個半月時間都夠掛！

黎緊就要去傢俬店約上黎度尺做主人房同廳o既柜喇！

呢兩個星期要好努力去睇埋九龍城同土瓜灣o的傢俬店，要有final decision 搵邊間做傢俬好喇！

希望到時一切順利啦！

新居準備 — 預約律師樓篇

尋日sick leave無返，今日返到去聽返voice mail，有個係律師樓打黎嫁喎！

佢打去我公司direct line，無打我手提，所以遲o左一日先知！

跟住我就打返去搵個張小姐！

佢話同我約返個時間，上律師樓簽紙喎！

原本約6月3號，但因為我要去睇廠，所以叫佢改6月4號！

約o左朝早10點半！

我唔諗住o個日請假喇，橫掂佢簽完就走得，因為都未拎得收樓紙！無謂sign o左日假o麻！

我諗住同媽媽講出去一陣，搞掂晒就返！

6月4號去簽文件，3個工作天後可以拎收樓紙，即係6月10號！

6月10號就約o左5點半去拎，我都係諗住早o的走去搞咋！

但11號就會真係請假，因為要去正式拎key同驗樓呢！

仲有兩個星期，我就可以見到我同豬豬將來o既安樂窩喇！

諗到就開心喇！

新居準備 – 按揭最終回

經過一輪爭取，尋日終於HSBC終於都出o左個最後result！

宜家係P-2.9% + 0.7% rebate！

都算係咁啦，我見宜家申請o的人都差唔多係呢個rate，起碼無蝕先丫o麻！

其實上星期中，收到HSBC封confirmation letter，但個rate只係得P-2.85%！

咁當然唔簽啦，話明再試2.9%嫁o麻，無端端寄封o野過黎！

點解咁執著個rate？！因為若佢遲o的加息，咁P 減幾多就好緊要嫁喇！使唔使供多1千幾百都係靠呢個rate咋！

好o野，宜家只係等佢封confirmation letter ，咁就可以上律師樓簽紙喇！

不過我叫豬豬打俾HSBC跟開我o地單個sales，話明最遲6月3號o的update資料要send到去律師樓！

咁大個女，第一次做業主，咩都唔識，好緊張呢！

病假

唉……..今日請o左sick leave！

事綠係我今朝起身，個肚好痛，個胃又好痛！

跟住就去瀉喇！

手軟腳軟，全身無力，所以要請sick leave！

醫生話我腸胃炎喎！

我諗係媽媽尋晚突然之間話想食辣椒，就去買o左尖椒攘魚肉！

o的辣椒真係好辣嫁，媽咪整完又食唔到，咪唯有我同豬豬食晒佢囉！

就係咁出事喇！

豬豬今朝都有瀉，但無我咁嚴重o姐！

當放自己一日假啦，呢個月無論私事定公事，都真係好忙，搞到好辛苦呢！

兄弟團名單 (Round 1)

由於豬豬o既辦事不力，到今日都未俾到個兄弟團名單我！

之前預6個，就夠晒數，但宜家要8個，豬豬諗到頭都痛埋！

佢話叫得呢個，又要叫o個個喎！

仲話咁不如10個兄弟丫！

我話搵多兩個姐妹唔係問題，但問題係我o地已經無budget去sponsor 姐妹衫喇！

現落實有6個兄弟，包括：

1.      周生 – 伴郎，豬豬Year 2-3同學，我同豬豬做暑期工o既朋友

2.      阿Vic – 豬豬Year 1同學

3.      老金 – 豬豬Year 1同學

4.      Edmond – 豬豬Year 1同學

5.      細佬 – 呢個唔使問啦，自己親細路

6.      Steven– 豬豬宜家公司同事，但將會係舊同事

本來想細佬做伴郎，但師傅話o個日沖雞生肖，所以唯有改周生做伴郎

仲有兩個名額，豬豬意向係阿Q同Andrew(豬豬Year 2-3同學)！

但呢兩個仲未同人講，我話到時人o地唔得閒睇你點算！

希望今個星期可以落實到兄弟團名單啦！

都係我o地o的女仔做o野有planning o的，我o的姐妹團年頭已經落實o左喇！

豬豬生日禮物 – 泡湯篇

6月9日就係豬豬生日，本來諗好送咩禮物俾豬豬！

但豬豬講o左好多次，買親就打死你！

我知佢唔想我使錢，因為又要搞裝修傢俬，又要搞結婚o野，怕我無晒錢！

二來我講o左會同佢去Lawry’s食佢最鐘意o既牛扒！

所以佢唔俾我送禮物！

咁我尋晚就話，咁不如我o地兩個生日都唔送禮物俾對方，等9月27日，拍拖6週年先送！

我覺得咁樣個意義仲大！

哈！我諗好送咩又特別，又有紀念性禮物俾豬豬嫁喇！

等我呢2個月內搞掂份禮物先！

其實有無禮物唔係咁重要，重要o既係o個日對我o地有特別o既意思！

所以，我生日會無禮物收，我都一樣咁開心，因為有豬豬o係身邊已經係一份好好o既生日禮物！

但，我都會送份小小禮物俾豬豬o既！

新居準備 – 地磚牆紙篇

今日終於都出去睇地磚同牆紙！

首先去o左深水步食我最鐘意o既油渣麵！

之後去o左西九龍行一陣，睇o左陣傢俬！

o係o個度睇中o左盞水晶燈，可以用黎放o係客廳！

原價1380，佢今個月做緊4折，折實6xx，包安裝！

都ok抵嫁，不過我o地都係無買，因為都係想再睇多o的先！

豬豬話宜家唔好買住，諗多幾日，就等佢黎緊呢個星期下晝出街見客時自己過去買喎！

跟住，我o地又好似以前咁，由深水步行去旺角上海街！

哈！好耐無試過同豬豬咁浪漫行街街喇！

之後經過始創，就入去行o左個圈！

我o地去o左3樓雅芳婷旗檻店行喇！

我o地見到我o地套床單！

豬豬話係咪無揀錯呀，我o地揀o個張靚過另一張嫁！真係俾佢激死！

跟位去睇埋雅芳婷床褥！

其實我o地已經o係冒險樂園儲夠飛可以換到張床褥！

但今日個sales話用hsbc 信用咭有額外95折，仲送張床墊！

豬豬話咁仲抵過我o地用飛換啦，用飛換無床墊送喎！

咁就問佢個hsbc discount同埋送床墊會做到幾時啦！

個大肚sales話唔定，其實我同豬豬都諗應該係做埋5月！

但若2個幾月後送貨，佢話要收返100蚊存倉費喎！

咁同豬豬商量過後，都係決定呢個星期五，等豬豬下晝去見客時先買！

拖得幾耐得幾耐o麻！

跟住就向上海街進發喇！

我o地睇o左好多間地磚店，搵到一間有我o地想要o既面，同埋價錢合埋o既磚！

但都係搵唔到我o地之前o係B&Q睇中用黎舖門口玄關位o既地磚！o個款真係好特別嫁！

之後睇埋牆紙，我睇中o左隻粉紫色玫瑰花牆紙，用黎貼我o地間房！

而天花應該會用藍天白雲款！

媽媽房應該會用隻簡簡單單款，不過未決定用咩色好！

至於個廳，就仲諗緊，不過我鐘意隻閃閃磚紋牆紙，但要成188一卷呀！

我o地宜家有個初步idea，遲o的就可以帶埋媽媽去confirm佢鐘唔鐘意喇！

遲o的開始裝修就可以同師傅一齊去買，同埋俾意見喇！

哈！新居籌備又邁進一步喇！

婚戒

今日終於都去o左鑽石山拎婚戒！

但好可惜，試戴之後我o個隻就鬆，豬豬o個隻就緊！

咁即係話要再send返去再整過！

我原本o係會展度時係10號，豬豬係14號半！

因為我成日都會o係office，有冷氣，所以對手會凍o的，宜家熱熱o地戴10號都已經會轉，咁當然要改細半圈啦！

豬豬一戴就已經好緊，佢仲要日日出街見客，到時咪仲緊，咁當然要改大啦！

宜家我要細半圈，豬豬要大一號！

好彩我唔係急用o姐，唔係邊改得切喎！

過多兩個星期之後有得拎！

希望改完到時o岩啦！

婚紗展入場卷

尋日放工返屋企，居然收到下星期婚紗展入場卷！

搞結婚咁耐，總共收過5次入場卷！

之前飛飛叫我陪佢去，因為佢要去傾北海道婚紗相o既o野！

其實我真係無o野要再睇！

但飛飛叫到，咪陪佢去囉！

我話無免費飛我唔去喇，唔想sign錢入場！

佢o個時都拎o左4張飛嫁喇，但估唔到我今次又收到！

咁可以叫埋阿奀一齊去！

我同豬豬講話又去婚紗展，佢居然無抗拒，仲話好添！

豬豬話去試紅酒喎，扼酒飲！

哈！咁都俾佢諗到！

記得上次去，我o地扼o左人o地成支半紅酒飲！

不過最後我o地都有幫襯嫁，上次o個o的，除o左9支甜酒用黎擺酒用，其餘o的係用黎自己飲嫁！

老友叫到，就陪佢o地去行o下啦！

有人問總好過無人問丫o麻！

今次睇o下租車有無擺啦，諗住再去俾埋個尾數o麻！

若今次無，我諗要到7月o個個佢先會擺lu！

不過，我宜家想睇家居展多過婚紗展囉，哈！

距離半年之心情

仲有半年就到bd喇！

今日，終於都post o左婚網條link 去msn，話俾親朋好友知我o地o既喜訊！

http://www.milkajoe.preciousweddingday.com

好開心，個個知道我結婚，就個個都話黎飲！

好彩我o的fd同我bd都差成個月，唔係就唔去得喇！

早幾日好surprise 舊同事Irene o係facebook send message俾我！

原來佢都係今年結婚呢，早我個幾月！

佢仲話我唔mind佢一定會黎我個wedding喎！

我當然唔mind 啦，以前大家互相照顧，雖然宜家大家都各自走o左，但感覺都好似以前咁close嫁！

仲有半年就成為人妻，心情無咩點！

近排我成日發脾氣，搞到豬豬tum我又唔係，嬲我又唔係！

呢幾日諗通o左，只要回想返佢做過o既o野，有幾可愛，就嬲佢唔落嫁喇！

做人老婆，唔可以再咁任性(雖然豬豬係小朋友，我係細蚊女！哈！)！

因為，將來仲有好長o既路，等住我o地努力咁去建造！

仲有我o地未出世o既b仔或b女呢，唔可以俾佢知媽媽咁曳嫁o麻！

未同豬豬一齊o既時候，我係一個好獨立o既人，但因為豬豬o既寵壞，令我變得好依賴佢，有佢o係身邊，個心先會安樂！唔知係好事定壞事呢？！

宜家佢夜返，自己上床訓先，都硬係訓得唔甜，係都要知道佢返o左屋企先會一覺訓到天光！

6年前唔會感受到真係會有一個人，為o左我，無私咁奉獻，緊張我多過自己，仲成日同我講整到佢唔緊要，最緊要唔好整親自己！

宜家就深深體會到！

我好記得豬豬同我講過一句：”我將你由一個深淵拯救出黎！我以後會好錫你！”

我好認同，因為無豬豬當時o既action，我跟本唔可以有宜家咁開心，咁幸福o既生活！

呢家o既心情，只係想快o的到正日，可以快o的做到豬豬老婆！

今日仲send o左個sms俾豬豬，豬豬收到後打返俾我，聽佢把聲都不知幾開心，幾甜！

我係乖乖Miao，不過豬豬依然都係曳曳豬！哈！

倒數6個月

倒數6個月，即係仲有184日就到我o既大日子喇！

日期：            2008年11月23日

酒席地點：    德福美心皇宮 5時恭候 8時入席

註冊地點：    2in1 佳偶天成 3:30 p.m.註冊儀式開始

(9-10月到律師樓簽同意書)

婚紗相：        1. 珠海現代經典

                        2. 以馬內利 (相簿、油畫已取，爭1張水晶畫未拎)

                        3. 法國 (5月9日已揀相，8月有得拎)

婚禮攝錄：    Picasso Wedding (2p+1v) (7-8月整成長片段+夾Rundown)

化妝：            Decor Square – Ashlee (全日) (7-8月再試妝)

會場佈置：    Decor Square – Loretta (約Loretta 6月中傾)

餅咭：            美心 (310張) + 奇華 (32張)

紅酒：            Decor Square – 智利 + 澳洲紅酒 (60支)

烈酒：            Whiskey (10支)

甜洒：            南非非洲豹甜酒 (8支)

小禮物：        總之就係好o野啦！

婚紗晚裝：    盈集坊 (1拖尾wg + 3 eg) (8月尾final confirm衫款)

新郎禮服：    君悅禮服軒 – 1黑1白 (10月頭試身)

裙褂馬褂：    錦發 (1千禧中五福頭褂 + 1馬褂) (10月頭試身)

晚裝鞋：        金色3吋高踭鞋

花車：            棗紅色賓利 + 28座Van (9-10月再confirm用車時間)

結婚戒指：    PN + 點睛品?! (已取PN，6月頭會買埋點睛品)

請帖：            心印 (7-8月去confirm內容)

觀禮咭：        埋首中 (7-8月會有最後定案)

婚禮雜項：    廣州購買 (5月10-12號已去廣州辦妥)

花球：            2個絲花球 (伴娘幫我諗)

姐妹衫：        傾城婚禮 (伴娘長裙+其他短裙，共有三個姐妹去o左揀衫)

車頭公仔：    中式牛奶妹+牛奶仔

Girdle：           私人胸間 (8月底前confirm使唔使修改)               

婚前檢查：    婚後才做

過大禮：        2008年9月18日 (8月底-9月初預備)

上頭時間：    2008年11月22日 女：11:00-12:00 男：11:00-12:00

Rundown：      已draft好，有待豬豬最後審核 (最遲10月尾final)

Table Menu：  未開始諗點設計 (7-8月final款式)

宴客名單：    女家已齊，欠男家 (9-10月confirm最後名單)

成長片段：    歌已揀好，未執好o的相 (7-8月去Picasso搞埋佢)

婚宴歌曲：    已有一大堆，但未confirm (9-10月final decision)            

結婚蛋糕：    酒樓送8磅蛋糕 (10-11月初confirm 款式)

菜單：            未定 (7-9月同伍生去寫)   

換新銀紙：    多少未定 (7-8月去銀行唱錢)

居住事宜：    已揀樓 (6月初收樓，6-7月裝修，8月初入伙)

美容纖體：    要開始keep fit，最想減係手臂同肚腩

兄弟姐妹開會：未定 (由6月開始，每月一次)

Um........宜家要做o既，係先搞好間屋先！

而兄弟團方面豬豬都仲要confirm，所以我決定5月30日，我o地姐妹團先黎一個聚會先！

黎緊呢半年，會好忙呢！

謎面

估唔到未到中秋，就有燈謎估喇！

尋日6點幾，伍生講完一輪o野，我只係聽到一句"你估係我咩，紅蕃排隊去廁所"！

跟住阿袋仔就話咁好有燈謎估呀！

咁佢就估o左一輪，到最後都係由伍生開估！

哈！個答案都真係幾格硬黎嫁！

跟住夜晚問豬豬，豬豬諗o左一陣就估到喇！

豬豬話呢句都係唔係伍生自己作嫁，我都未聽過o既！

呢句可以話係估一個四字詞語！

豬豬估呢o的真係有一手嫁！佢仲話我o地快o的諗謎面，俾人估謎底啦！

仲叫我一係俾個謎底佢，等佢諗個謎面俾人估喎！

哈！豬豬有時真係幾可愛！

睇波

今朝凌晨係曼聯對車路士歐聯決賽！

但屋企無裝Now，所以豬豬無得睇！

但豬豬o係網度download o左個software，可以用黎睇直播o既！

我尋晚10點已經上o左床訓覺，而豬豬就12點上床，因為佢上床時整醒o左我！

訓到2點倒，有鬧鐘響喎！

原來係豬豬較o左鬧鐘起身睇波！

咁鬧鐘響當然會醒一醒啦，之後又再訓返！

到唔知4點定5點，又俾豬豬上床整醒o左！

雖然尋晚好早上床訓，但成晚醒，好似無訓過咁！

o的同事仲以為我陪豬豬睇波，搞到個様咁累喎！

哈！你估我想o既咩！

今日豬豬就好啦，返大陸見客，即係有得搭車訓啦，難為我今日9個鐘o係度做o野呀！

唔得，要豬豬補償返俾我先！

就係星期六要陪我去冒險樂園玩大富翁喇！哈！

新居準備 - 現居傢俬篇

今日下晝豬豬返o左屋企！

咁佢當然有重要任務啦，就係度宜家o的傢俬喇！

之前諗住搬返宜家個組合柜過新屋，但度完後係6呎，而新居o個度得5呎8，所以呢個要放棄lu！

豬豬話訂造一個5呎8呎o既組合柜，想fit晒所有位喎！

跟住就度我房個吊柜，計過應該夠放o係媽媽間房！

同埋宜家個書柜，都可以放o係媽媽房，等佢可以多o的地方放o野！

豬豬唔話我時都幾抵錫o既，起碼唔使叫佢都自己肯做丫o麻！

男人就係咁，好多時都係自己做o左，又收收埋埋喎，等我o地以為佢o地無過做o野、唔上心！

所以，若果有時嬲另一半o既同時，可以諗o下其實佢可能有做過你想佢做o既o野，又或者你無諗過，但佢做o左o既o野！

我記得我之前嬲豬豬，但一諗起未同佢一齊時，佢肯由太子陪我行返黃大仙，上我屋企睇波，o係我張床度訓覺，第日測驗都陪我傾天光，就會覺得佢好傻、好可愛！o個日仲即時send o左個sms俾佢添！

其實唔只女仔鐘意聽，男仔都係嫁！

我有如此一個老公，去邊度搵丫！

好多謝個天俾個咁好同細心o既老公我！

傻人有傻福

早兩日，我突然間問o左豬豬一個問題！

我問”其實你由幾時開始諗住娶我嫁？”

豬豬就答話好耐喇，耐都我都唔記得幾時開始有呢個諗法！

其實同o左豬豬一齊兩年時，我已經諗我真係搵到一個可以付托終身o既人！

跟住就開始我o地o既儲錢大計，雖然唔多，但係係大家雙方一齊o既付出，等將來可以一齊分享到成果！

儲o左4年錢，終於都可以向我o地o既計劃進發！

因為爸爸早過身，所以其實我唔係好知一段正常o既婚姻生活應該係點！

但，我相信，豬豬一定能夠俾到一個幸福美滿o既婚姻俾我！

見到4姨，佢18歲結婚生仔，由同姨丈住廉租屋，到公屋，到宜家居屋，仲有幾間舖收租！

o個時我婆婆好唔想我4姨嫁俾我姨丈，認為姨丈無錢！

但有誰又估到今時今日，4個姐妹之中，生活最好o個個係4姨呢！

我呢個4姨，真係傻人有傻福嫁！

所以，好多o野都唔可以睇表面！以前無，唔等於將來無！

係自己選擇o既，就要相信自己o既感覺！

怒

今日真係好激氣！

由我話轉team都有半年，話請人都請o左半年！

但到宜家聖母就一句話未搵到一個有分析力o既人，所以未請到人！

我4月1號轉team，好，o個時我見無人識做，我做埋個AOP！

我諗住之後佢o地會搵人接我o的o野啦！

點知，到今日，聖母同佢o地食lunch時問個cost係點！

阿哥又唔知搵邊個可以做，就同聖母講叫我頂埋今個月！

呢o的都係媽媽講返俾我知！

我其實就係唔想做呢o的先想轉team，估唔到轉o左team都一樣要做！

我情願我唔知咁多，唔識咁多好過！

下個月月餅就開始黎料，到時我真係唔會再接呢個爛攤子！

我一定會同媽媽爭取，幫我拎走呢個咁o既job！

全城默哀

溫總昨日宣佈，o係今日2點28分為四川災民默哀3分鐘！

我o地今日公司都出晒e-mail通告，全公司上上下下，包括所有寫字樓，廠房同分店都響應！

默哀o個3分鐘，個office真係好靜，連平時響過不停o既電話，o係呢3分鐘都停晒！

只係短短3分鐘，但對四川災民黎講，3分鐘就可以將佢o地o既家園摧毀、家人失散！

呢兩日新聞，見到有人被救出，佢o地o既生存意志好強！

正常人o係無水無糧下都仲可以捱到百幾小時，真係好佩服佢o地o既求生意志！

希望呢兩日，會有多o的被困o既人能救出！

四川o既災民，加油呀，全球好多人都為你o地打氣！

新居準備 -- Budget 篇

今日終於都做o左個budget表出黎！

我都係用返我wedding個左改右改而成咋！

今日只係初步整o左個"郎"，o的數都未填好晒！

不過大數就差唔多嫁喇，係爭o的濕濕碎碎o既地方未填！

希望過多兩個有個構念俾豬豬啦！

其實今次都唔需要太多，因為好多電器都會o係宜家屋企搬返過去呢！

而媽媽間房就會用返我宜家間房o既床同吊柜！

真係好得意，上年呢個時候係搞緊結婚個budget，今年就搞新屋個budget！

兩個大project一齊黎都真係幾甘嫁，好彩好多o野我o地上年都俾o左一大半，唔係邊有咁多錢喎！

哈，我o的fd仲問我點解有咁多錢可以同一時間搞兩單咁傑o既o野！

呢o的都係全靠我o地有個愛情存摺咋！

龍鳳被

今日o係吉之島，另一個任務就係買被喇！

我之前已經睇中o左兩款雅芳婷婚嫁系列！

今日再去睇，要二選一！

一個係織提花款，一個係大紅繡花款！

最後我o地都係揀o左大紅繡花款！

因為有個囍字o麻，豬豬都係鐘意呢款多o的！

話晒係for結婚，紅o的同有囍字會好意頭o的！

哈！估唔到原來我都係一個咁傳統o既人！

我見雅芳婷專門店唔係成日有折，同埋係咪遲o的都要買，咁見今日橫掂都有9折，就買埋佢喇！

我o地無要連心被芯，只係要o左枕袋、床單同被袋！因為之前已經買o左張新被喇！

我揀雅芳婷當然係鐘意佢o個個繡名同日期服務啦！

張被3個星期後有得拎！

結婚o野又完成一樣喇！好多謝媽媽送俾我o地呢！

好開心今個月婚禮進展得咁快！

不過，其實都仲有好多o野未搞喎，黎緊半年都仲要努力呢！