聽日正式轉team喇

等o左3個月，聽日終於都正式轉返過去non-food喇！

今日忙執位，不過由於今日比較忙，所以都係要5點先開始搬o的o野過返去！

搬o左我成個幾鐘呢！

我o係呢間公司只不過係短短2年，已經掉第5次位喇！

其實搬位真係好煩，要將o的o野pack箱先可以一次過搬晒過去！

話就話越搬越好，因為坐位o係公司代表o左地位同職位！

越後o既位，職位係越高！

我今次搬去一個又係比較隱秘o既位，即係話又係有無返工都係無咩人知o既！

哈！我都幾鐘意呢個位嫁！

不過，有伍生棵龍骨，睇黎我都要擺返個風水陣去邪一邪佢，事關個個俾伍生棵龍骨對住，實九死一生嫁！

不過好彩有袋仔頂住先，咁都無咁應！

伍生當我掉完位，佢話會移一移佢棵龍骨喎！聽住先啦，呢棵係佢命根黎嫁，擺晒風水嫁！

4月1日雖然係愚人節，但亦都係我轉返去o既大日子，起碼唔使日日俾契女麻坐o係隔離煩住先丫！