居屋中心

尋日下晝放工，見無咩做，就同豬豬過o左樂富喇！

我o地先去o左食泰國菜！嘩，宜家o的o野真係加o左好多，又要加一喎，好唔抵食！

所以我同豬豬決定o左，以後都唔黎呢間，寧願出九龍城食好喎！o的野又好味o的，又唔使加一喎！

跟住就當然去o左我最鐘意去玩o既namco啦！

玩完就行過去樂富個居屋中心！

我見好多人去交表呀！今次都真係幾多人抽喎！

我o地去睇個展覽，跟住做o左個決定！

就係第一個target係藍田，之後就係將軍澳！因為驚藍田太多人揀，所以都要搵o的後備先得！

同埋，將軍澳同藍田個價係差成$300K嫁！

我o地比較麻煩，一定要康和式，唔要和諧式，因為我同豬豬都覺得和諧式個廁所以似監倉咁！好唔掂，好似公廁！

今次除o左藍田，就得將軍澳和明苑係康和式！不過，和明苑係回購單位，所以將軍澳變o左做第二個target！藍田真係無得揀就會揀呢度！

除此之外，最重要o既當然係層數啦！我o地對某一個層數有情意結，咁o岩回購單位又係喎，所以將軍澳就入選喇！

願個天能夠成全我同豬豬o既夢想，為未來踏出第一步啦！

不過，我今日打俾Wendy，佢話張票未過數喎！星期一要媽媽去租約辦事處問o下至得！佢無幫我交就打鑊佢！哈！