交o左喇

由於之前填錯o左少少o野，所以今日先可以正式去交表！

尋日我叫Wendy幫我寫o左張$100票！唔買本票喇，手續費成$50喎，銀行都傻o既！

開頭我以為要交返去樂富個居屋銷售中心，但原來公屋住戶係可以交返去所屬租約事務署就得！

所以，媽媽今日放工就拎o左落去我o地原屬o既租約事務署！

跟住阿區長就話會幫我o地交過去，叫我o地留意信箱喎！

媽媽早幾日第一次落去交表時，問個區長機會大唔大，個區長係咁答佢o既：”呢個屋苑交表o既人唔多，可能樓齡唔長同地點方便啦！咁4份綠表先1份白表揀樓，咁你話機會大唔大？”

我同豬豬聽完，兩個第一個反應都係 – 咁即係點呀？

哈！答完好似無答咁！真係官字兩個口喇！

交o左表，放心o左一半！

另一半就係等攪珠結果同有無得去揀樓！