喜帖

今日去婚紗展o既另外一個目的，就係去睇喜帖喇！

買完PN(都玩o左成2個鐘)，就去hall 3度睇喜帖喇！

我o地一早已經有target，加上豬豬星期五去o左視察場地，所以一上到就去o個個counter喇！

咁當然，我o地一去到就先睇o下啦！

跟住係咁問人o野，個sales都解釋得好清楚，我o地都好滿意佢o既態度！

問完一輪就落單喇，暫時落住300張，到時真係去印先confirm 買多50張，因為個價橫掂都無得再平喇！其實一早已經預o左要350張，不過豬豬話唔鐘意一開始就俾人知道晒喎，係要擺o下款喎！哈！

今次個價同對上一次expo (11月o個個)一樣，仲送埋利是封同貼紙(買幾多套就送幾多)，咁即係話我o地回禮利是封又唔使買喇！

個sales叫我o地落$300訂，豬豬就話唔得，要落$1000！因為要夠$1000先可以抽獎喎！

落完單之後就去抽獎喇！

我o地抽唔到17呢！分別係抽到29同52！

係化妝品同沐浴露，分別價值$258同$20！

抽完就去試紅酒喇！