尋晚同朋友msn，佢問到我抽居屋個result！
因為豬豬唔俾我講，所以我都係同佢講返我之前o係blog度o既result！
呢個朋友女，佢上期用白表非核心抽o左居屋，佢揀o既係回購單位！
最搞笑係原來佢揀個單位同豬豬12月結婚個好朋友係同一幢！我朋友就高少少！
佢呢排係咁搞新居o既o野，之前裝修佢已經一肚氣，跟住到訂傢俬，又遇到黑店！
不過，佢都唔趕住入伙，話晒仲有成年先結婚，可以慢慢搞靚間屋！
跟住個問題黎喇！若我揀到樓，我要o係兩個月內搬離宜家間公屋！
你知啦，要搵裝修，咁裝修若人o地有期就話o姐，若無期咪要等！咁好快會過兩個月嫁喎！
若住多1個月，又要俾3倍租金，好似好唔抵咁！
所以，睇黎我都要鎖定幾間裝修連設計公司目標，咁到時若真係揀到都唔使咁煩丫o麻！
好就好在我好多電器都可以搬過去，咁又使少o的，唔使咁甘先！
原來未揀到樓都要做好多功課嫁喇！我仲諗住我已經sort out o左280個單位list出黎可以抖o下添！點知又係要做功課！份list我整o左好耐嫁喇！
宜家唯有得閒就開始物色o下o的裝修連設計公司啦！(若我放工仲未累死o既話！)
不過都係可做可不做，因為都唔知揀唔揀到丫o麻！
不過又驚到時真係揀到又拿手唔成世喎，真矛盾！
唔好擔心啦,搵定資料,做定準備,如果真係揀到既咪唔駛咁亂囉!
回覆刪除[版主回覆03/26/2008 21:02:00]講真，佢一日未開始揀，一日都仲心掛掛，驚揀唔到o麻！咁咪會sign晒o的心機囉！
不過都會得閒去睇定o的裝修公司o既！遲o的就同我男友去問o下價！
我的傻佬是做裝修，有冇野幫到手？
回覆刪除[版主回覆03/27/2008 07:16:00]咁好，當然有用啦！
不過都要報o左價先！
我俾我msn你，咁樣傾會方便o的！
搵裝修真係好煩架...又怕會比人呃...好彩我bf既daddy係做裝修...所以我哋先唔洗煩...如果你有咩問題都可以搵我架...
回覆刪除[版主回覆03/27/2008 19:34:00]係呀，我就係驚比人呃，又做得唔好！
咁我就唔客氣喇喎，我有問題就搵你嫁喇！
迎接新居~ 真是很多野要預備, 加油呀!!!
回覆刪除[版主回覆03/28/2008 07:15:00]我會嫁喇！你都係，俾心機呀！
我男朋友亞哥做鋪地板 , 佢好老實, 你有需要我可以介紹你......
回覆刪除[版主回覆03/28/2008 20:10:00]thx你先呀！有你肯幫手，當然最好啦！
我遲o的send e-mail俾再問你詳細o的！