尋日朝早返返o下工,阿妹打俾我!
佢問我今晚係咪打牌喎!
吓!我無聽過喎!
原來係媽媽叫阿妹尋晚出黎,一齊食飯加打牌!
咁我同豬豬下晝就去o左買餸打邊爐,仲去o左大成街市,去豬豬同事Ken哥介紹o既海鮮檔買蠔!
o個檔只係得蠔賣,仲要係一桶桶未開o既蠔,你要就開俾你!
好似去o左橫琴咁,一去到個檔就好有蠔味,好想再去橫琴食美味蠔呀!
我o地買o左最貴一斤o既蠔,有8隻都只不過係$33,不過o的美國桶蠔好多!
呢檔o的蠔食落口感都真係好似橫琴蠔,成隻脆嫁,無地方唔食得!真係好正!
豬豬都話Ken哥無介紹錯!下次打邊爐都係去返大成街市買蠔先得!
買完返屋企差唔多6點半,阿妹由於去o左旺角唱K,要7點9先過得黎,所以我o地就打仲三腳麻雀先喇!
阿妹上到黎,我o地8點3就開始打邊爐lu!
一路食,一路傾,好開心!
食飽飽就開檯lu,尋晚我贏晒!哈!
我o地打到成3點半呀,一共打o左8圈!
講開呢隻妹,佢又細我睇住佢大,一齊住,雖然佢係我表妹,但我同佢感情好似兩姐妹咁嫁!
其實有時覺得佢好慘,屋企咁樣,搞到佢無心機讀書,所以我同媽媽一有時間,都會陪o下佢,同佢傾計!
好彩宜家阿妹都唔差,最起碼無學壞先!
三姨仲同我講,原來阿妹係好開心我搵佢做姐妹!
其實係媽媽指定要o姐,不過多一個唔多o既,等佢都可以靚靚,開心都好丫!呢個做表姐真係唔話得!
阿妹尋晚o係度訓,我同豬豬今日會帶佢去食好o野!等佢有個家o既感覺,知道仲有人錫佢!
沒有留言:
張貼留言